વડાપ્રધાને મોઢામાં કોલસા ભર્યા છે : નવજોત સિધ્ધુ

રાજકોટ, 17 સપ્ટેમ્બર : ભાજપના નેતા નવજોત સિધ્ધુએ આજે રાજકોટમાં યોજાયેલી યુવાનોની જાહેર સભામાં કેન્દ્રમાં શાસક પક્ષ કોંગ્રેસ સરકારની ટીકાઓની સિક્સર લગાવી હતી. દરેક દેશોમાં સ્વામી વિવેકાનંદ જેવા સ્વામી જન્મ નથી. તેમણે હિન્દુસ્તાનના યુવાનોમાં છુપાયેલી શક્તિનો અહેસાસ કરાવ્યો. આજે હિન્દુસ્તાનનું અસ્તિત્વ અને આબરૂ જોખમમાં છે. 2002માં ભાજપની નૈયા ડૂબેલી હતી, ત્યારે નરેન્દ્રભાઇએ સુકાન સંભ્યાળ્યું અને તેમણે ગુજરાતને માલામાલ બનાવી દીધું. ગુજરાતની આવક 10 ગણી વધી ગઇ છે. હવે તો બહારવાળા પણ અહીં આવવા લાગ્યા છે. ખેતૂતોના ખેતર સુધી પાણી પહોંચ્યાં છે.

કોંગ્રેસ મુન્ની કરતાં વધારે બદનામ અને શીલા કરતા વધારે જવાન છે. હિન્દુસ્તાનની સરદાર મંડળી કાનમાં ભૂંગળા નાખીને બેસી છે. પ્રધાનમંત્રી મોઢામાં કોલસા ભરાવીને બેઠા છે. દાળમાં કાળું નહીં આખી દાળ કાળી છે. મોંધવારી કૂદકે ને ભૂસકે વધી છે છતાં કોંગ્રેસ કહે છે કે કોંગ્રેસ કા હાથ આમ આદમી કે સાથ. કોંગ્રેસનો હાથ ગરીબ માણસના મોઢા પર થપ્પડરૂપે પડે છે.

ભારત માતા માટે પ્રણ લેવું પડશે કે ભારત માતાની આઝાદીને છીનવી લેવા નહીં દઇએ. જેની પાસે દંડો હોય છે તેનાથી લોકો ડરે છે પણ જેમનું ચારિત્ર સારું હોય છે તેમના પર લોકો વિશ્વાસ કરે છે. ભગતસિંહ હીરો હતા. આજે તો માત્ર સલમાન ખાન રહી ગયો છે.

English summary

BJP leadear Navjot Siddhu said in Rajkot that Congress is more infamous than Munni and less young than Sheela