અમદાવાદ શહેરમાં જીમખાનાની આડમાં જુગારખાનું ઝડપાયું
પોલીસે મનપસંદ જીમખાનામાં ચાલતા જુગાર ખાના પર પાડ્યો દરોડો. જાણો વધુ વિગત અહીં.
અમદાવાદ શહેરમાં વધુ એક વાર ધમધમતા જુગારખાના પર પોલીસે દરોડો પાડ્યો છે. પીસીબી અને એફ ડીવિઝન પોલીસે સંયુકત રીતે રેડ કરી મનપસંદ જીમખાનાની આડમાં ચાલતા જુગારખાાના અને 60થી વધુ જુગારીઓની ધરપકડ કરી છે. દરિયાપુર તંબુ ચોકી વિસ્તારમાં આવેલ મોટા વાઘજીની ચાલીમાં મનપસંદ જીમખાનામાં જુગાર રમાતા હોવાની બાતમી મળી હતી. તે પછી પીસીબી અને એફ ડિવીઝન એસીપીએ પોલીસ ટીમ સાથે રેડ કરતા જુગારધામને પકડી પાડવામાં આવ્યો હતો. જેમાં જુગારધામ ચલાવતા મનપસંદ જીમખાનાના ગોવિંદ પટેલ સહિત 60 થી વઘુ લોકોની ધરપકડ કરાઈ છે.
જુગારધામ જીમખાનાથી અંદર બીજા મકાનમાં આ ગોરખધંધો ચલાવવામાં આવતો હતો. ત્યારે પીસીબી અને એફ ડિવીઝનને મનપસંદ જીમખાનામા રેડની મોટી સફળતા મળી છે. હવે પોલીસ એ તપાસમા લાગી છે કે ગોવિંદ પટેલ કેટલા સમયથી આ રીતે જુગાર ધામ ચલાવતો હતો. નોંધનીય છે કે જીમખાનામાં અનેક જગ્યા સીસીટીવી કેમેરા પણ મૂકવામાં આવ્યા હતા. જેથી તમામ જુગારી અને બહાર અવર જવર કરતા લોકો પર નજર રાખી શકાય.