ખેડૂતો માટે માઠા સમાચાર, રાજ્યના આ વિસ્તારોમાં આગામી બે દિવસ વરસાદની આગાહી!

રાજ્યમાંથી ચોમાસુ ધીરે ધીરે વિદાય લઈ રહ્યું છે ત્યારે હવે હવામાન વિભાગે ખેડૂતો માટે માઠા સમાચાર આપ્યા છે. હવામાન વિભાગે આગામી બે દિવસ રાજ્યના કેટલાક વિસ્તારોમાં વરસાદની આગાહી કરી છે.

અમદાવાદ : રાજ્યમાંથી ચોમાસુ ધીરે ધીરે વિદાય લઈ રહ્યું છે ત્યારે હવે હવામાન વિભાગે ખેડૂતો માટે માઠા સમાચાર આપ્યા છે. હવામાન વિભાગે આગામી બે દિવસ રાજ્યના કેટલાક વિસ્તારોમાં વરસાદની આગાહી કરી છે.

હવામાન વિભાગનું માનીએ તો, આગામી બે દિવસ રાજ્યના અમદાવાદ, ગાંધીનગર અને વડોદરા સહિત મધ્ય ગુજરાતમાં હળવા ઝાપટા પડવાની સંભાવના છે. આ સિવાય દક્ષિણ ગુજરાતના કેટલાક ભાગોમાં પણ સામાન્ય વરસાદની સંભાવના વ્યક્ત કરાઈ છે. અહીં તમને જણાવી દઈએ કે, છેલ્લા બે દિવસથી રાજ્યમાં અમદાવાદ, વડોદરા, સાબરકાંઠા મહેસાણા, રાજપીપળા, કેવડિયા, તિલકવાડા, ડેડિયાપાડા, સાગબારા સહિતના વિસ્તારોમાં ધીમીધારે વરસાદ નોંધાયો છે.

હાલ રાજ્યમાં પાકની કાપણીની સિઝન ચાલી રહી છે ત્યારે હવે વરસાદ ખેડૂતો માટે મુશ્કેલી ઉભી કરી રહ્યો છે. જો હાલ રાજ્યમાં વધારે વરસાદ નોંધાય તો મોટુ નુકસાન થઈ શેક છે. રાજ્યમાં હાલ બાજરો, મગફળી અને કપાસ સહિતના ચોમાસુ પાક તૈયાર થઈ ગયા છે. જો કે સૌથી સારા સમાચાર એ છે કે, હવામાન વિભાગે 9 ઓક્ટોબર બાદ રાજ્યમાં વરસાદની કોઈ સંભાવના નથી.

English summary

Rain forecast for next two days in Gujarat!