• search
For Quick Alerts
ALLOW NOTIFICATIONS  
For Daily Alerts

રિક્ષાચાલકોનું ઉગ્ર વલણ : 26મીથી ગુજરાતભરમાં બેમુદતી હડતાલ

|

અમદાવાદ, 21 જાન્યુઆરી : ગુજરાતમાં સીએનજી અને પીએનજી ગેસના ભાવમાં ઝીંકવામાં આવેલા રૂપિયા 7.15 અને રૂપિયા 10ના ભાવવધારાના વિરોધમાં અમદાવાદ અને અન્ય કેટલાક શહેરોના રિક્ષાવાળાઓએ ત્રણ દિવસ એટલે કે 72 કલાકની હડતાલ જાહેર કરી હતી. આ હડતાલ દરમિયાન તેમની માંગણી સંતોષજનક રીતે સંતોષવામાં આવી નથી. આથી હવે રાજ્યભરના રિક્ષાવાળાઓ 26 જાન્યુઆરી, 2013ની મધ્યરાતથી અચોક્કસ મુદતની હડતાલ પર ઉતરી જવાના છે.

રવિવારે મોડી સાંજે મળેલી રિક્ષાચાલકોના 13 યુનિયનોની મિટીંગમાં કંપનીને ભાવવધારાની છૂટ અને રિક્ષાચાલકોને ભાડાવધારો નહીં આપવાની ગુજરાત સરકારની અન્યાયી નીતિ સામે આક્રોશ વ્યક્ત કરવામાં આવ્યો હતો.

આ આક્રોશને વ્યક્ત કરવા માટે રિક્ષાચાલકોએ સામુહિક નિર્ણયથી ૨૬ જાન્યુઆરીની મધરાતથી ગુજરાતવ્યાપી, બેમુદ્દતી રિક્ષાહડતાળ યોજવાનો નિર્ણય જાહેર કર્યો છે. ઉલ્લેખનીય છે કે ભાવવધારા સામે ગાંધીનગર, અમદાવાદના એક લાખ રિક્ષાચાલકોએ આદરેલી ત્રણ દિવસની રિક્ષા હડતાળ રવિવારે સાંજે પૂર્ણ થઈ હતી.

દરરોજ પચ્ચીસ લાખથી વધુ મુસાફરો રિક્ષામાં અવરજવર કરે છે. રિક્ષાચાલકોએ માંગણી કરી હતી કે CNGમાં રૂપિયા 7.15નો ભાડાવધારો પાછો ખેંચવામાં આવે અથવા તો મિનિમમ ભાડું રૂપિયા 11થી વધારીને રૂપિયા 15 કરવામાં આવે. આ સામે વાહન વ્યવહાર કમિશનરે મિનિમમ ભાડામાં માત્ર રૂપિયા એકનો વધારો કરી આપ્યો હતો.

આ નિર્ણયને અન્યાયા ગણાવીને રિક્ષાચાલકોએ ભાવવધારાના પરિપત્રની હોળી કરી હતી. રિક્ષાચાલકોનું કહેવું હતું કે સરકાર દ્વારા કંપનીઓને ગેસના ભાવમાં મન ફાવે ત્યારે અને ઈચ્છે તેટલો ભાવવધારો કરવાની છૂટ આપવામાં આવે છે. જ્યારે રિક્ષાચાલકોને મોંઘવારીમાં ભાડાવધારો કરી આપવામાં ગુજરાત સરકાર ઠાગાઠૈયા કરે છે.

રિક્ષાચાલકોના યુનિયનો રિક્ષાચાલકોની માગણી ન સ્વીકારવામાં આવતા વિશેષ આંદોલનાત્મક કાર્યક્રમ હાથ ધરવાનો નિર્ણય લીધો છે. જે અંતર્ગત આગામી 23થી 25 જાન્યુઆરી સુધી ઈન્કમટેક્સ સર્કલ ખાતે રિક્ષાચાલકોની 72 કલાકની ભૂખ હડતાળ યોજાશે. હડતાળમાં દરેક યુનિયનના એક-એક પ્રતિનિધિ જોડાશે અને છેલ્લે પારણા સભા યોજાશે.

જ્યારે 26 જાન્યુઆરીની મધરાતે 12 વાગ્યાથી સમગ્ર ગુજરાતના રિક્ષાચાલકોની બેમુદ્દતી હડતાળનો આરંભ કરશે. ગુજરાતના અંદાજે 8 લાખ રિક્ષાચાલકો તેમાં જોડાય અને હડતાળને સફળ બનાવી સરકાર પર દબાણ ઉભું કરવામાં સફળતા મળે તેવા પ્રયાસો હાથ ધરવામાં આવ્યા છે.

English summary
Rickshaws operators deadly trend: indefinite statewide strike from 26.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more