પશુપાલકો સામે ઘુંટણીએ પડી સાબર ડેરી, નવા ભાવફેરની જાહેરાત કરી
સાબરકાંઠા અને અરવલ્લી જિલ્લાના પશુપાલકો માટે એક સારા સમાચાર આવ્યા છે. 5 દિવસથી ચાલી રહેલા વિરોધ પછી સાબરડેરીએ દૂધના ભાવમાં વધારો કરવાની જાહેરાત કરી છે.
ડેરીના બોર્ડ મીટીંગમાં નિર્ણય લેવાયો છે કે હવે પશુપાલકોને 995 પ્રતિ કિલો ફેટના દરે પેમેન્ટ કરવામાં આવશે. અગાઉ 960ની દરે એડવાન્સ પેમેન્ટ આપવામાં આવતું હતું. હવે આમાં 35નો વધારો કરવામાં આવ્યો છે.
ડેરીએ સ્પષ્ટ કર્યું છે કે તફાવત રૂપે વધારાનુ પેમેન્ટ સાધારણ સભા પછી ચૂકવવામાં આવશે. આ નિર્ણય ડેરીના ચેરમેન દ્વારા સંસદ સભ્ય શોભનાબેન બારૈયા, ધારાસભ્ય રમણ વોરા, પૂર્વ ધારાસભ્ય મહેન્દ્રસિંહ બારૈયા તથા પ્રદેશ અને જિલ્લાના ભાજપ નેતાઓ અને કિસાન સંગઠનો સાથે ચર્ચા કર્યા બાદ લેવાયો છે.
સાબરકાંઠા-અરવલ્લીના અનેક તાલુકાઓના આગેવાનો સાથે સતત ચર્ચાઓ પછી આ મોટો નિર્ણય જાહેર કરવામાં આવ્યો છે. ડેરીના આ પગલાથી પશુપાલકોમાં સંતોષ જોવા મળી શકે છે અને દૂધની આવક પણ ફરી સ્થિર થઈ શકે છે.
Click it and Unblock the Notifications
Sign in with Google
