રાજ્યસભા ચૂંટણી: સુપ્રીમ કોર્ટે NOTA માટે કોંગ્રસની અરજી ફગાવી

સુપ્રીમ કોર્ટે તરફથી પણ કોંગ્રેસને મળ્યો ફટકો. સુપ્રીમ કોર્ટે રાજ્યસભાની ચૂંટણી માટે નોટાનો ઉપયોગ ન કરવાની કોંગ્રેસની અરજી ફગાવી. જાણો વધુ અહીં.

ગુજરાત રાજ્યસભાની ચૂંટણીને લઇને વિવાદ પૂર્ણ થવાનું નામ જ નથી લેતા. આ જ મામલે સુપ્રીમ કોર્ટે આજે ગુજરાત રાજ્યસભાની ચૂંટણીમાં નોટાનો ઉપયોગ ન કરવાની કોંગ્રેસની અરજીને ફગાવી છે. ઉલ્લેખનીય છે કે ચૂંટણીપંચે આ ચૂંટણીમાં મતદાતાઓને નોટાનો વિકલ્પ આપ્યો છે. નોટાનો મતલબ થાય છે ઉપરોક્ત કોઇ પણ નહીં એટલે કે નન ઓફ ધ અબાઉ. જે હેઠળ મતદાતા ભાગ લેનાર તમામ ઉમેદવારોમાંથી કોઇને પણ ન ચૂંટવાનો વિશેષ અધિકારી વ્યક્ત કરી શકે છે. જે અંગે ચૂંટણી પક્ષે જાહેરાત કરતા કોંગ્રેસે તેનો વિરોધ દર્શાવ્યો હતો. જો કે આજે સુપ્રીમ કોર્ટે પણ આ અરજી ફગાવી દેતા કોંગ્રેસની હાલત કફોડી થઇ છે.

ઉલ્લેખનીય છે કે ગુજરાતમાં આ ચૂંટણી 8 ઓગસ્ટના રોજ યોજવાની છે. અને તેમાં કોંગ્રેસ તરફથી અહેમદ પટેલ અને ભાજપ તરફથી સ્મૃતિ ઇરાની, અમિત શાહ અને બળવંતસિંહ રાજપૂત ભાગ લેવાના છે. કોંગ્રેસ માટે આ ચૂંટણી ખૂબ જ મહત્વપૂર્ણ સાબિત થઇ રહી છે. અને દિવસ વીતતા આ મામલે કોંગ્રેસની મુશ્કેલીઓ વધી રહી છે.

English summary

Supreme court rejects Congress plea on NOTA for Gujarat Rajya sabha polls