શૈલેષ પરમારે આપી મંત્રીઓની કારને કેસરી રંગે રંગવાની સલાહ, ભાજપ નેતાએ આપ્યો જવાબ
કોંગ્રેસના ધારાસભ્ય શૈલેષ પરમારે કહ્યું કે મંત્રીઓની ગાડીનો રંગ પણ કેસરી હોવો જોઈએ. કૃષિ મંત્રી રાઘવજી પટેલે કહ્યું કે. બકરી એટીએમ સમાન છે. જ્યારે પણ જરૂર પડે, ત્યારે તમે બકરીનું તાજું દૂધ દોહી શકો છો.
ગુજરાત વિધાનસભામાં સરકાર તરફથી આરક્ષિત વર્ગોની વિદ્યાર્થીઓને ફાળવવામાં આવનારી સાયકલનો રંગ કેસરિયો હોવા પર કોંગ્રેસના ધારાસભ્ય શૈલેષ પરમાર દ્વારા સવાલો ઉઠાવવામાં આવ્યા છે. શૈલેષ પરમારે જણાવ્યું હતું કે, મંત્રીઓની કારોને પણ કેસરી રંગે રંગ દો. શિક્ષણ મંત્રી કુબેર ડિંડોરે બચાવમાં તર્ક આપતા નિવેદનમાં જણાવ્યું હતું કે, સાયકલ ચોરી થઇ જાય તો તેને ઓળખવામાં સરળતા રહે તે માટે આવો રંગ પસંદ કરવામાં આવ્યો છે.
વિદ્યાર્થિનીઓને આપવામાં આવે છે ભગવા રંગની સાયકલ
કોંગ્રેસના વરિષ્ઠ ધારાસભ્ય શૈલેષ પરમારે વિધાનસભામાં જણાવ્યું હતું કે, સરકાર દ્વારા અનુસૂચિત જાતિ, અનુસૂચિત જનજાતિ અને અન્ય પછાત વર્ગોની શાળાની વિદ્યાર્થિનીઓને ભગવા રંગની સાયકલ આપવામાં આવે છે.
ભારતના બંધારણમાં સમાનતાનો અધિકાર છે, પરંતુ જ્યારે આ વિદ્યાર્થિનીઓ ભગવા રંગની સાઇકલ લઇને ઘરની બહાર નીકળે છે, ત્યારે સૌને ખબર પડે છે કે, આ સાઇકલ સરકાર દ્વારા ભેટમાં આપવામાં આવી છે અને આ વિદ્યાર્થિનીઓ કયા વર્ગમાંથી આવે છે.
શૈલેષ પરમારે જણાવ્યું હતું કે, આ સમાનતાના બંધારણીય અધિકારની વિરૂદ્ધ છે. જો ભગવા પ્રત્યે આટલી જ લગાવ હોય, તો મંત્રીઓની ગાડીઓ પણ ભગવા કરી દેવી જોઈએ.
એટીએમ જેવી છે બકરી
કૃષિ મંત્રી રાઘવજી પટેલે વિધાનસભામાં ચર્ચા દરમિયાન જણાવ્યું હતું કે, બકરી એટીએમ સમાન છે. તમે જ્યારે ઇચ્છો, ત્યારે એટીએમમાંકાર્ડ નાખીને પૈસા ઉપાડી શકો છો, તેવી જ રીતે જ્યારે પણ જરૂર પડે, ત્યારે તમે બકરીનું તાજું દૂધ દોહી શકો છો. મહાત્મા ગાંધીએ પણ બકરી પાળી અને તેનું દૂધ પીધું હતું. બકરી તો ગરીબોની ગાય છે.
Click it and Unblock the Notifications
Sign in with Google
