સુરતઃ મૉબ લિંચિંગને લઈ નિકળેલ મૌન જુલૂસ થયું હિંસક, પોલીસ પર પથ્થરમારો, કલમ-144 લાગૂ

Published: Saturday, July 6, 2019, 9:54 [IST]

સુરતઃ ગુજરાતમાં સુરતના મક્કઈ બ્રિજ પાસે મૉબ લિંચિંગની ઘટનાને લઈ મૌન રેલી કાઢવામાં આવી હતી. આ જુલૂસમાં કેટલાય લોકો સામેલ થયા. આ દરમિયાન કોઈ કારણસર કેટલાક લોકોની પોલીસ સાથે બોલાચાલી થઈ. વિવાદ એટલો વધી ગયો કે પોલીસ પર પથ્થરમારો થવા લાગ્યો. ઘટનાને પગલે 4-5 સિપાહી ઘાયલ થઈ ગયા. જે બાદ પોલીસે લાઠીચાર્જ શરૂ કરી દીધો. લાઠીની સાથે જ પોલીસે ટીયર ગેસથી ભીડને કાબૂમાં લેવાનો પ્રયાસ કર્યો. તણાવ વધતો જોઈ પોલીસે સમગ્ર વિસ્તારમાં કલમ 144 લાગૂ કરાવી દીધી છે.

જુલૂસમાં સામેલ લોકો મંજૂરી વિના આગળ વધ્યા

સંવાદદાતા મુજબ જુલૂસના આયોજકોએ કલેક્ટર કચેરીએ જવાની જીદ કરી. પરંતુ તેમને મક્કઈ બ્રિજ સુધી જવાની જ મંજૂરી મળી હતી. જ્યારે જુલૂસમાં સામેલ લોકો મંજૂરી વિના આગળ વધવા લાગ્યા તો પોલીસે જુલૂસને રોકવાનો પ્રયાસ કર્યો. આ દરમિયાન હાથાપાઈ શરૂ થઈ ગઈ. જેને પગલે શહેરભરમાં તણાવનો મામહોલ છવાયો છે. પોલીસે ચારથી વધુ લોકોની ધરપકડ કરી છે. જુલૂસ દરમિયાન કેટલાક લોકો સરકારી સંપત્તિને નુકસાન પહોંચાડતા હોવાનું પણ સામે આવ્યું હતું. પોલીસ તરફથી કાર્યવાહી શરૂ કરવામાં આવી છે.

આરોપીઓ પર કેસ નોંધી કાર્યવાહી કરાશે

આ જુલૂસ વિશે મોટો સવાલ એ કરવામાં આવી રહ્યો છે કે આયોજકો મંજૂરી વિના કેવી રીતે રેલી કરવા લાગ્યા. પોલીસનું કહેવું છે કે ગૃહમંત્રીની મંજૂરી વિના જ આવું કરવામાં આવ્યું. જુલૂસ હિંસક થવાના કારણે આરોપીઓ પર કેસ નોંધ કરી કાર્યવાહી કરવામાં આવશે.

#WATCH Surat: 4-5 policemen injured after a clash broke out when police tried to stop people from taking out rally in Nanpura area, today. Section 144 (prohibits assembly of more than 4 people in an area) has been imposed in the area. The rally didn't have permission. #Gujarat pic.twitter.com/UPnu643Cjo
— ANI (@ANI) July 5, 2019