ગુજરાત: જળસંકટના કારણે ગામોમાં હાહાકાર, 15 દિવસમાં માત્ર એક વાર જ પાણી

મેની શરૂઆતથી જ ગુજરાતમાં સૌરાષ્ટ્ર, કચ્છ અને ઉત્તરીય ભાગોના ગામોમાં પાણીની અછતને કારણે હાહાકાર મચી ગયો છે. ઉત્તર ગુજરાતના 200 થી વધુ ગામો છે જ્યાં લોકોને 15 દિવસમાં એક વખત જ પાણી મળી રહ્યું છે. પાણીની સમસ્યા હોવા છતાં, સરકાર હજુ પણ અધિકારીઓ સાથે બેઠકોમાં વ્યસ્ત લાગે છે. સરકારે પાણીની અછતથી બેહાલ વિસ્તારોમાં નર્મદા ડેમ અને સરોવરનું પાણી પહોંચાડવાનું વચન આપ્યું હતું, પરંતુ તે હજુ સુધી મોટાભાગના સ્થાનો માટે કોઈ પગલાં લઈ શક્યું નથી. જો કે, મુખ્યમંત્રી રૂપાણીએ પણ સ્પષ્ટ કહ્યું છે કે જુલાઈના અંત સુધીમાં નર્મદાનું પાણી લોકોની જરૂરિયાતો પૂરી કરી શકે છે. પરંતુ, તે બધી જગ્યા પર પહોંચાડી શકાશે નહિ.

આ પણ વાંચો: લોકસભા ચૂંટણી પછી, ગુજરાતને જળ સંકટનો સામનો કરવો પડશે, ડેમમાં પાણી ઓછું

પાણીની તંગીથી પીડાતા લોકો ભડક્યાં

પાણીના અભાવને લીધે, ગામ બેહાલ થઇ રહ્યા છે. આવી સ્થિતિમાં, ગ્રામીણ વિસ્તારોમાં મહિલાઓ સરકાર સામે વિરોધ પ્રદર્શન કરી રહી છે. કેટલાક ગામોમાં, એક મહિનામાં માત્ર એક જ વાર પાણી મળી રહ્યું છે. છેલ્લા કેટલાક દિવસોમાં, ઉત્તર ગુજરાતમાં પાણી મળવું લગભગ મુશ્કેલ બન્યું છે. સ્થાનિક નાગરિકો કહે છે કે બોરવેલનું પાણી નીચે જતું રહ્યું છે. આવામાં, ફ્લોરાઇડ યુક્ત પાણી જ બાકી રહી ગયું છે, જે ખૂબ જ હાનિકારક છે. અંદરના ગામોની સ્થિતિ એટલી દયનિય છે કે લોકો ગંદુ પાણી પી રહ્યા છે. લોકોનો ગુસ્સો પાણી માટે ઉદ્ભવ્યો છે. બોરવેલના પાણી માટે સ્ત્રીઓને ખેતરોમાં લઈ જવામાં આવી રહી છે.

સરકારે 200 ગામોમાં પહોંચાડ્યા ટેન્કર

રાજ્ય સરકાર ઉત્તર ગુજરાતના લગભગ 200 ગામોમાં ટેન્કરો દ્વારા પાણી પૂરું પાડવામાં વ્યસ્ત છે. જો કે, ટેન્કર ખાલી થયા પછી બીજી વાર આવતું નથી. આવી સ્થિતિમાં, પાણીની અછત દૂર થઇ રહી નથી. કેટલાક લોકો કહે છે કે કોંગ્રેસના શાસન દરમિયાન દુકાળ દરમિયાન તત્કાલીન મુખ્યમંત્રી અમર સિંહ ચૌધરીએ ટ્રેનના વેગનોથી પાણી પૂરું પાડ્યું હતું. આવી પરિસ્થિતિમાં, તેઓ અમર સિંહ ચૌધરીના શાસનને યાદ કરી રહ્યા છે. તેઓ કહે છે કે ત્રણ વર્ષના દુકાળ દરમિયાન લોકોનું દુઃખ હાલની પરિસ્થિતિ જેવું ન હતું. આ સરકાર પાસે પાણીનું વિતરણ કરવા માટે યોગ્ય યોજનાનો અભાવ છે.

અહીં ગામોમાં 15 દિવસમાં એકવાર પાણી મળી રહ્યું છે

ઉત્તર ગુજરાતના મહેસાણામાં 15 ગામો, બનાસકાંઠામાં 100 ગામો અને સાબરકાંઠાના 70 ગામોમાં 15 દિવસમાં એક વખત પાણી મળે છે. અહીં એવા કેટલાક ગામો છે જેમને અન્ય ગામડાઓ અથવા ખેતરોમાંથી પાણી લાવવું પડે છે. ગામના તમામ વાહનોનો ઉપયોગ પાણી પહોંચાડવા માટે થાય છે. ઉત્તર ગુજરાતની બધી નદીઓ સુકાઈ ગઈ છે.

મંત્રી-ધારાસભ્યો પર સામાન્ય લોકોનો ગુસ્સો આ રીતે વધી રહ્યો છે

રાજ્યના જળ સંસાધન વિભાગના અધિકારીઓ કહે છે કે સરકારે આવા ગામોમાં ટેંકર મોકલ્યું છે જ્યાં પાણીની સ્થિતિ ખરાબ છે. તે એવા વિસ્તારો છે જ્યાં નર્મદા નહેરો દ્વારા પાણી પરિવહન કરી શકાતું નથી. ગુજરાતમાં, પાણી માટે રેલવે વેગનોની જરૂર છે અને સરકાર ટેંકર દોડાવી રહી છે. ઉત્તર ગુજરાતના 10 થી વધુ ગામોના મુખિયાઓએ પ્રધાનો અને ભાજપના વિધાનસભ્યોના ગામોમાં પ્રવેશ રોક લગાવી દીધી છે.

English summary

Water Crisis in North Gujarat Villages, discontent in people