Weather forecast : અરબી સમુદ્રમાં ડીપ ડિપ્રેશન સક્રિય, આગામી 7 દિવસ વરસાદ સાથે વાવાઝોડાનો ખતરો
Weather forecast : હવામાન વિભાગે રાજ્યમાં આગામી સાત દિવસ સુધી વરસાદી માહોલ રહેવાની સંભાવના વ્યક્ત કરી છે. અરબી સમુદ્રમાં સક્રિય થયેલી સિસ્ટમને કારણે ગુજરાતના ઘણા વિસ્તારોમાં હળવાથી મધ્યમ વરસાદ થવાની શક્યતા છે.
ખાસ કરીને સૌરાષ્ટ્ર અને કચ્છના વિસ્તારોમાં મેઘગર્જના અને વીજળીના કડાકા-ભડાકા સાથે વરસાદ થઈ શકે છે.
હાલ દરિયાકાંઠાના વિસ્તારોમાં હવામાનમાં મોટો પલટો જોવા મળી રહ્યો છે, જ્યાં 40 થી 50 કિલોમીટર પ્રતિ કલાકની ઝડપે પવન ફૂંકાશે તેવી આગાહી છે.
હવામાનની ગંભીર સ્થિતિને ધ્યાનમાં રાખીને માછીમારોને આગામી પાંચ દિવસ સુધી દરિયો ન ખેડવાની સૂચના આપવામાં આવી છે. વરસાદી સિસ્ટમની અસરરૂપે હવામાન વિભાગ દ્વારા વિવિધ બંદરો પર સાવચેતીના સિગ્નલ લગાવાયા છે. આગામી 24 કલાક માટે વેરાવળ સહિત અન્ય બંદરો પર LCS-3 સિગ્નલ લાગુ કરવામાં આવ્યું છે. આ સિવાય દક્ષિણ ગુજરાતના દરિયાકાંઠ દરિયાકાંઠે DC-1 સિગ્નલ લગાવવામાં આવ્યું છે.
હવામાન વિભાગના જણાવ્યા અનુસાર, અરબી સાગરમાં એક ડીપ ડિપ્રેશન સક્રિય થયું છે. આ સિસ્ટમ આગામી 3 કલાકમાં ચક્રવાતમાં પરિવર્તિત થવાની સંભાવના છે. વધુમાં આગામી 24 કલાકમાં આ સિસ્ટમ વધુ મજબૂત બનીને સિવિયર સાયક્લોનિક સ્ટોર્મ (અતિ ગંભીર ચક્રવાત) માં ફેરવાશે તેવી ચેતવણી પણ આપવામાં આવી છે.
રાજ્યના મુખ્ય શહેર અમદાવાદમાં પણ વાતાવરણ વાદળછાયું રહેવાની સાથે હળવો વરસાદ પડવાની આગાહી કરવામાં આવી છે. અરબી સમુદ્રમાં બનેલી આ સિસ્ટમને કારણે ગુજરાતના પશ્ચિમ ભાગમાં વરસાદી માહોલ જળવાઈ રહેવાની સંભાવના છે.
Click it and Unblock the Notifications
Sign in with Google
