Weather Update Today: ભારત-પાકિસ્તાન મેચ અને નવરાત્રી પર વરસાદનું જોખમ, જાણો હવામાન વિભાગની આગાહી

Gujarat Weather Update: અમદાવાદમાં આજે લઘુત્તમ તાપમાન 27 ડિગ્રી અને મહત્તમ તાપમાન 36 ડિગ્રી સેલ્સિયસની આસપાસ રહેવાની શક્યતા છે. પવનની ગતિ 2.25 આસપાસ રહેવાની સાથે સમગ્ર દિવસ દરમિયાન પારો 27 ડિગ્રી સેલ્સિયસની આસપાસ રહેવાની ધારણા છે. આ સાથે પવન 3 ની ગસ્ટ સ્પીડ સાથે 84 ડિગ્રીની આસપાસ ફરશે.

સૂર્યોદયનો સમય સવારે 06:35 છે, જ્યારે તે શુક્રવારે સાંજે 06:16 વાગ્યે આથમશે. સાત દિવસના હવામાનની આગાહી મુજબ અમદાવાદમાં શુક્રવારે તાપમાન 27 ડિગ્રી, શનિવારે 28 ડિગ્રી, રવિવારે 28 ડિગ્રી, સોમવારે 25 ડિગ્રી, મંગળવારે 25 ડિગ્રી, મંગળવારે 26 ડિગ્રી સેલ્સિયસ, બુધવારે અને ગુરુવારે 26 ડિગ્રી સેલ્સિયસ રહેવાની શક્યતા છે.

વેસ્ટર્ન ડિસ્ટર્બન્સની અસર અંગે ડૉ. મનોરમા મોહંતીએ જણાવ્યું હતું કે, 14 ઓક્ટોબરથી વેસ્ટર્ન ડિસ્ટર્બન્સની અસર ઉત્તર પશ્ચિમ ભારતમાં જોવા મળી શકે છે. આ વેસ્ટર્ન ડિસ્ટર્બન્સના કારણે ઉત્તર પશ્ચિમ ગુજરાતમાં ઘણા જિલ્લામાં છૂટોછવાયા વરસાદની શક્યતા છે.

ભારતીય હવામાન વિભાગની આગાહી પ્રમાણે 14 ઓક્ટોબરે એક વેસ્ટર્ન ડિસ્ટર્બન્સ આવે તેવી શક્યતા છે. જેના કારણે 14થી 16 ઓક્ટોબરમાં કેટલાક વિસ્તારોમાં વરસાદ વરસી શકે છે.

14 અને 15 ઓક્ટોબરના રોજ અમદાવાદ જિલ્લામાં વરસાદ વરસી શકે છે. અમદાવાદમાં 14 ઓક્ટોબરના રોજ ભારત અને પાકિસ્તાન વચ્ચે મેચ રમાવાની છે. આવામાં વરસાદની શક્યતાના કારણે ક્રિકેટ પ્રેમીઓના રંગમાં ભંગ પડે તેવી આશંકા છે.

હવામાન વિભાગના જણાવ્યા પ્રમાણે, આ સાથે 15 અને 16 ઓક્ટોબરના રોજ સામાન્ય વરસાદ નોંધાય તેવી શક્યતા છે. હવામાન વિભાગ દ્વારા અનેક વિસ્તારોમાં વરસાદની આગાહી કરવામાં આવી છે. 16 ઓક્ટોબરના રોજ અરવલ્લી, બનાસકાંઠા, સુરેન્દ્રનગર, અમદાવાદ, ગાંધીનગર, સાબરકાંઠામાં સામાન્ય વરસાદની શક્યતા છે. આ સાથે અન્ય જિલ્લામાં વાતાવરણ શુષ્ક રહે તેવી શક્યતા.

અત્રે ઉલ્લેખનીય છે કે, 15 ઓક્ટોબરથી માતાજીના નોરતા એટલે કે નવરાત્રી શરૂ થઇ રહી છે. જે કારણે વરસાદની શક્યતાને લીધે દાંડિયા રસિકોમાં ચિંતાનો માહોલ જોવા મળી રહ્યો છે.

વેસ્ટર્ન ડિસ્ટર્બન્સના કારણે 15 - 16 ઓક્ટોબરના રોજ વરસાદ નોંધાશે, તો નવરાત્રીની મજા બગડશે. ઉલ્લેખનીય છે કે, વર્તમાન સમયમાં ચોમાસું પાક તૈયાર છે, આવા સંજોગોમાં જો વરસાદ થાય તો ખેડૂતોને મોટા પ્રમાણમાં નુકસાન થઇ શકે છે.

English summary

Weather Update Today: risk of rain on Ind vs Pak match and Navratri, know Weather forecast