પશ્ચિમ રેલવે દ્વારા ભાવનગર ડિવિઝનને સ્ટેશનો પર 7 જોડી ટ્રેનોને વધારાના સ્ટોપેજ અપાયા

મુસાફરોની સગવડતા અને માંગને ધ્યાનમાં રાખીને રેલવે મંત્રાલયે પશ્ચિમ રેલવેના ભાવનગર ડિવિઝનના વિવિધ સ્ટેશનો પર કુલ 7 જોડી ટ્રેનો માટે વધારાના સ્ટોપેજની જાહેરાત કરી છે.

ભાવનગરના ડિવિઝનલ રેલવે મેનેજર દ્વારા જારી કરાયેલ અખબારી યાદી અનુસાર, આ સુવિધાનું ઔપચારિક ઉદ્ઘાટન 19 સપ્ટેમ્બર 2025 (શુક્રવાર) ના રોજ સવારે 11:30 વાગ્યે નવાગઢ રેલવે સ્ટેશન ખાતે થશે.

ભાવનગર ડિવિઝનના સિનિયર ડિવિઝનલ કોમર્શિયલ મેનેજર અતુલ કુમાર ત્રિપાઠીના જણાવ્યા અનુસાર, આ વધારાના સ્ટોપેજથી મુસાફરી દરમિયાન વધુ સુવિધા મળશે અને આસપાસના વિસ્તારોના મુસાફરો માટે રેલવે સેવાઓ વધુ સારી બનશે.

પશ્ચિમ રેલવે દ્વારા મુસાફરોની સગવડતા માટે 7 જોડી ટ્રેનો માટે વધારાના સ્ટોપેજની જાહેરાત કરવામાં આવી છે. આમાં 11463/11464/11465/11466 વેરાવળ-જબલપુર-વેરાવળ ટ્રેન માટે દરરોજ નવાગઢ ખાતે સ્ટોપેજ મળશે. આ સિવાય 59560/59557 ભાવનગર-પોરબંદર-ભાવનગર ટ્રેન માટે રાણાવવા ખાતે અને 19251/19252 વેરાવળ-ઓખા-વેરાવળ ટ્રેન માટે નવાગઢ ખાતે દરરોજ સ્ટોપેજની સુવિધા ઉપલબ્ધ થશે.

આ ઉપરાંત 19319/19320 વેરાવળ-ઈન્દોર-વેરાવળ ટ્રેનને દર બુધવારે નવાગઢ ખાતે સ્ટોપ મળશે. 12945/12946 વેરાવળ-બનારસ-વેરાવળ ટ્રેન માટે સોમવાર અને ગુરુવારે જેતપુર ખાતે સ્ટોપેજ ઉપલબ્ધ થશે. છેલ્લે 19204/19203 વેરાવળ-બાંદ્રા-વેરાવળ ટ્રેનને દર શુક્રવાર અને રવિવારે જેતપુર ખાતે વધારાનો સ્ટોપ મળશે.

English summary

Western Railway Announces Additional Stops for 7 Pairs of Trains in Bhavnagar Division