અચાનક ગરબામાં કેમ વધી રહ્યા છે હાર્ટ એટેકના કેસ? જાણો શું કહે છે જાણકારો?

ગુજરાતમાં ગરબાની ધુમ વચ્ચે એક અન્ય કારણને કારણે પણ ગરબાની ખુબ ચર્ચા થઈ રહી છે. આ ગરબામાં એક પછી એક હાર્ટ એટેકના કેસ આવતા હવે ડોક્ટરોની નજર પણ તેના પર અટકી છે.

વિવિધ અહેવાલો અનુસાર, ગુજરાતમાં વિવિધ શહેરોના ગરબા કાર્યક્રમોમાં એક દિવસમાં હાર્ટ એટેકને કારણે 10 લોકોના મોત થયા છે. આમાં એક 17 વર્ષના તરૂણનો પણ સમાવેશ થાય છે.

વીર શાહ નામના આ તરૂણનું ખેડા જિલ્લાના કપડવંજમાં એક કાર્યક્રમમાં હાર્ટ એટેકથી મોત થયુ હતુ. આ તરૂણને અચાનક નાકમાંથી લોહી નીકળવા લાગતા તાત્કાલિક હોસ્પિટલમાં લઈ જવામાં આવ્યો હતો.

હોસ્પિટલ પહોંચ્યા બાદ ડોક્ટરોએ હાર્ટ એટેકના કારણે મોત થયુ હોવાનું જણાવ્યુ હતુ. હવે આ પરિવારે બીજા યુવાનોને સતત ગરબા ન રમવા અપીલ કરી છે. વચ્ચે વચ્ચે બ્રેક લઈને ગરબા રમવાથી જોખમ ઘટી જાય છે.

આ સિવાય અમદાવાદ, રાજકોટ અને નવસારીમાં 20 વર્ષ આસપાસના યુવાનોના પણ હાર્ટ એટેકના કેસ સામે આવ્યા છે.

જણાવી દઈએ કે, ભારતમાં સતત હાર્ટના રોગ અને હાર્ટ એટેકની સંખ્યા વધી રહી છે. આની પાછળ કોવિડ પછીની સમસ્યાઓ, પ્રદૂષણ અને બિનઆરોગ્યપ્રદ જીવનશૈલી સહિતના પરિબળો છે.
અમદાવાદની નારાયણા હોસ્પિટલના કન્સલ્ટન્ટ ઇન્ટરવેન્શનલ કાર્ડિયોલોજિસ્ટ ડૉ. ઝીશાન મન્સુરીએ ન્યૂઝ18ને જણાવ્યું કે, અમે વધુ યુવાન દર્દીઓને હાર્ટ એટેકના વધતા દર સાથે આવતા જોઈ રહ્યા છીએ. પહેલાં 10 માંથી 1 દર્દીની ઉંમર 30 વર્ષથી ઓછી હતી, પરંતુ હવે અમે 30 વર્ષથી ઓછી ઉંમરના 10 માંથી 3 દર્દીઓ જોઈ રહ્યા છીએ.

SAAOL હાર્ટ સેન્ટર નવી દિલ્હીના સિનિયર કાર્ડિયોલોજિસ્ટ અને ડાયરેક્ટર ડૉ. બિમલ છજેરે જણાવ્યું કે, તેઓ વિવિધ લક્ષણો સાથે OPDમાં આવતાં માત્ર વૃદ્ધો જ નહીં, યુવાનો અને આધેડ વયના લોકોને જોઈ રહ્યાં છે.

ગરબામાં અચાનક હૃદયરોગના હુમલાના વિવિધ કારણો હોઈ શકે છે. આમાં પહેલાની તબીબી સ્થિતિ, શારીરિક શ્રમ અને પર્યાવરણીય પરિબળો પણ સામેલ હોય છે.
જાણકારો અનુસાર,ખેલ-ગમત અને ડાન્સ અને ખાસ કરીને ગરબા જેવી ઝડપી એક્ટિવિટીમાં સ્વાસ્થ્યની સ્થિતિ વધુ ખરાબ થઈ શકે છે.

યુવાનો સહિત ઘણા અજાણતા હાઈ બ્લડ પ્રેશર અથવા ડાયાબિટીસ જેવા જોખમી પરિબળોને વહન કરે છે અને ગરબા જેવા તહેવારો દરમિયાન હૃદય સંબંધિત સમસ્યાઓ માટે સંવેદનશીલ બની જાય છે.

કોલકાતાની NH RN ટાગોર હોસ્પિટલના કાર્ડિયોલોજી કન્સલ્ટન્ટ ડૉ. દેબદત્ત મજુમદાર અનુસાર, વ્યક્તિઓ માટે તેમના સ્વાસ્થ્ય પ્રત્યે જાગૃત રહેવું, હાઇડ્રેટેડ રહેવું અને આવા સેલિબ્રેશન દરમિયાન તેમની શારીરિક મર્યાદાઓને દબાણ ન કરવું મહત્વપૂર્ણ છે.

ફોર્ટિસ મેમોરિયલ રિસર્ચ ઇન્સ્ટિટ્યૂટ ગુરુગ્રામના કાર્ડિયોથોરાસિક અને વેસ્ક્યુલર સર્જરીના ડિરેક્ટર અને વડા ડૉ. ઉદગેથ ધીરે સમજાવ્યું કે, કેટલાક કિસ્સાઓમાં યુવાન લોકો કુટુંબ સંબંધિત હાર્ટ કન્ડિશન અથવા અનિયમિત હાર્ટ બીટ જેવા પરિબળોને કારણે અચાનક કાર્ડિયાક અરેસ્ટ આવી શકે છે.

SAAOL હાર્ટ સેન્ટરના ડો.છજેરે જણાવ્યું કે, તેમણે તહેવારની મોસમ દરમિયાન હૃદય સંબંધિત સમસ્યાઓ માટે તબીબી સહાય મેળવવા માંગતા દર્દીઓની સંખ્યામાં નોંધપાત્ર વધારો જોયો છે. તેમની ટોચની ફરિયાદો શ્વાસ લેવામાં તકલીફ અથવા છાતીમાં દુખાવો છે.

ડિહાઇડ્રેશન, ખાવાની નબળી રીતો અને વધુ પડતી શારીરિક પ્રવૃત્તિ એ મહત્વના પરિબળો છે. તહેવારો દરમિયાન ગરમી અને વધુ પડતી પ્રવૃત્તિને કારણે હૃદયની તકલીફ થઈ શકે છે.

તેમણે કહ્યું કે,હૃદય સંબંધિત સમસ્યાઓના જોખમને ઓછું કરવા માટે, હાજરી આપનારાઓએ, ખાસ કરીને યુવાનોએ, હાઇડ્રેટેડ રહેવું જોઈએ. વધુ પડતી સુગર અથવા વધુ ચરબીવાળા ખોરાકનું સેવન કરવાથી દૂર રહેવું જોઈએ.

English summary

Why are the cases of heart attack suddenly increasing in Garba? Know what the experts say?