ઓમિક્રોન કેસ વધતા મુંબઈમાં 1-9ની શાળાઓ 31 જાન્યુઆરી સુધી બંધ કરાઈ!
Omicron ના ઝડપથી વધી રહેલા કેસોને ધ્યાનમાં રાખીને BMCએ મુંબઈમાં ધોરણ 1 થી 9 સુધીની તમામ શાળાઓને 31 જાન્યુઆરી સુધી બંધ રાખવાનો નિર્ણય કર્યો છે. જો કે, ધોરણ 10 અને 12 નિયમિતપણે ચાલુ રહેશે.
મુંબઈ, 3 જાન્યુઆરી : Omicron ના ઝડપથી વધી રહેલા કેસોને ધ્યાનમાં રાખીને BMCએ મુંબઈમાં ધોરણ 1 થી 9 સુધીની તમામ શાળાઓને 31 જાન્યુઆરી સુધી બંધ રાખવાનો નિર્ણય કર્યો છે. જો કે, ધોરણ 10 અને 12 નિયમિતપણે ચાલુ રહેશે. BMC મ્યુનિસિપલ કમિશનર ઈકબાલ ચહલે કહ્યું કે 3 જાન્યુઆરીથી ફિજીકલ વર્ગો માટે ખોલવામાં આવેલી શાળાઓ પણ બંધ રહેશે અને વિદ્યાર્થીઓ ઓનલાઈન અભ્યાસ કરશે.
જણાવી દઈએ કે મહારાષ્ટ્રમાં રવિવારે કોરોનાના 11,877 નવા કેસ નોંધાયા હતા, જે શનિવારે નોંધાયેલા કેસો કરતા 2,707 વધુ હતા. આ ઉપરાંત રાજ્યમાં ઓમિક્રોનના 50 કેસ પણ મળી આવ્યા હતા. બીજી તરફ છેલ્લા 24 કલાકમાં કોરોનાના કારણે 9 લોકોના મોત થયા છે. આ સાથે રાજ્યમાં કોરોનાથી મૃત્યુઆંક વધીને 1,41,542 થઈ ગયો છે.
મહારાષ્ટ્રમાં હાલમાં કોરોનાના 42,024 સક્રિય કેસ છે. રાજ્યમાં નોંધાયેલા કોરોનાના નવા કેસોમાંથી 7,792 કેસ એકલા મુંબઈના છે. બીજી તરફ રાજ્યમાં મળી આવેલા 50 ઓમિક્રોન કેસમાંથી 36 પુણેના છે, 8 કેસ પિંપરી ચિંચવાડના છે અને 2-2 કેસ પુણે ગ્રામીણ અને સાંગલીના છે, ઉપરાંત 1-1 કેસ મુંબઈ અને થાણેના છે. મહારાષ્ટ્રમાં અત્યાર સુધીમાં ઓમિક્રોનના 510 કેસ નોંધાયા છે, જેમાંથી 328 કેસ એકલા મુંબઈના છે. તેમાંથી 193 દર્દીઓ સાજા પણ થયા છે.
Click it and Unblock the Notifications
Sign in with Google
