• search
For Quick Alerts
ALLOW NOTIFICATIONS  
For Daily Alerts

માત્ર 30 રૂપિયા માટે કરી ગળુ દબાવી હત્યા

|

કન્નોજ, 1 જૂનઃ શું માત્ર 30 રૂપિયા માટે કોઇ કોઇની જાન લઇ શકે છે? એ પણ ત્યારે જ્યારે બધા ખુશીથી નાચી રહ્યાં હોય અને પૈસા લુટાવી રહ્યાં હોય. જી હાં, સાંભળવામાં આ થોડું અજીબ લાગે છે, પરંતુ તે સાચું છે. ઉત્તર પ્રદેશના કન્નૌજ જિલ્લામાં જાનૈયાઓ તરફથી ઉછાળવામાં આવેલા 30 રૂપિયાને લઇને થયેલા વિવાદમાં એક યુવાને ગામના જ એક 11 વર્ષિય બાળકની હત્યા કરી નાંખી. બાળકની હત્યાના સમાચાર સાંભળવા મળતાં જ લગ્નનો માહોલ માતમમાં બદલાઇ ગયો. પોલીસે આરોપીની ધરપકડ કરી લીધી છે અને મૃતદેહને પીએમ માટે મોકલી દેવામાં આવ્યો છે.

પ્રાપ્ત જાણકારી અનુસાર ગુરુવારે રાત્રે કન્નૌજ જિલ્લાના ગુરસહાયગંજ પોલીસ મથક હેઠળના ગઢિયા કછપુરા ગામમાં એક જાન આવી હતી. આ દરમિયાન જાનૈયાઓ ડાન્સ કરી રહ્યાં હતા અને પૈસા ઉછાળી રહ્યાં હતા. આ પૈસાને ગામના કેટલાક બાળકો પણ ઉઠાવી રહ્યાં હતા. આ દરમિયાન ગામના જ એક 11 વર્ષિય બાળક મોહિત કુમાર કુશ્વાહએ 30 રૂપિયા ઉઠાવ્યા. જેનો વિરોધ ગામના જ યુવક કિશોર કુશ્વાહે કર્યો અને પૈસા છીનવવાનો પ્રયાસ કરવા લાગ્યો.

મોહિતે પૈસા છૂપાવી દેતા કમલેશે તેની જોરદાર ધોલાઇ કરી અને પછી બેલ્ટ વડે તેનું ગળુ દબાવીને હત્યા કરી નાંખી હતી. મોહિતનું મોત નીપજ્યાં બાદ કમલેશ તેના મૃતદેહને ખેતરમાં લઇ ગયો અને ત્યાં જ છોડીને જતો રહ્યો. શુક્રવાગરે સવારે ખેતરના માલિક રાજેશ કુમારની પત્ની ચારો કાપવા માટે ગઇ ત્યારે ત્યાં મોહિતનો મૃતદેહ પડ્યો હતો. જેની જાણકારી ગામવાળાઓને આપવામાં આવી હતી. ઘટનાની જાણકારી મળતા જ મોહિતના પિતા શેર સિંહ કુશ્વાહ અને અન્ય પરિવાર ઘટનાસ્થળે પહોંચી ગયા. પોલીસ મથક પ્રભારી ઓપી સિંહે આ ઘટનાના સંબંધમાં અનેક લોકોની પૂછપરછ કરી. જાનૈયાના રૂપિયા ઉઠાવવા ગયેલા અન્ય બાળકો સાથે વાત કરતા આખી ઘટનાનો ખુલાસો થયો હતો. પોલીસે આરોપી કલમેશની ધરપકડ કરી લીધી છે.

English summary
11 Year old child murdered for Rs. 30 in Kannauj. A 11 year old child murdered just for Rs 30 in Kannauj, district of Uttar Pradesh.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X