અનંતનાગમાં સેનાની અથડામણમાં હિઝબુલના 2 આતંકીઓ ઠાર, હથિયારો મળ્યા!
કાશ્મીરના અનંતનાગમાં સેના સાથેની અથડામણમાં ખતરનાક આતંકી સંગઠન હિઝબુલ મુજાહિદ્દીનના બે આતંકવાદીઓ માર્યા ગયા છે. આતંકીઓ પાસેથી હથિયારો અને દારૂગોળો સહિતની ગુનાહિત સામગ્રી મળી આવી છે.
નવી દિલ્હી, 28 મે : કાશ્મીરના અનંતનાગમાં સેના સાથેની અથડામણમાં ખતરનાક આતંકી સંગઠન હિઝબુલ મુજાહિદ્દીનના બે આતંકવાદીઓ માર્યા ગયા છે. આતંકીઓ પાસેથી હથિયારો અને દારૂગોળો સહિતની ગુનાહિત સામગ્રી મળી આવી છે. માહિતી શેર કરતા કાશ્મીર ઝોન પોલીસે કહ્યું છે કે સેના આતંકવાદીઓના અન્ય સહયોગીઓની શોધ કરી રહી છે.
સેના સાથેની અથડામણમાં માર્યા ગયેલા આતંકવાદીઓની ઓળખ થઈ ગઈ છે. આઈજી પોલીસ, કાશ્મીર દ્વારા આપવામાં આવેલી માહિતી અનુસાર, માર્યા ગયેલા આતંકવાદીઓની ઓળખ ચકવાનગુંડ, અનંતનાગના રહેવાસી ઈશફાક અહ ગની અને અવંતીપોરાના ડોગરીપોરાના રહેવાસી યાવર અયુબ ડાર તરીકે થઈ છે. તે પ્રતિબંધિત આતંકવાદી સંગઠન હિઝબુલ મુજાહિદ્દીન (HM) સાથે જોડાયેલા હતા. આઈજીપી કાશ્મીરે કહ્યું કે માર્યા ગયેલા બંને આતંકીઓ ઘણી આતંકી ગતિવિધિઓમાં સામેલ હતા.
સેના અને આતંકવાદીઓ વચ્ચે આ અથડામણ અનંતનાગના બિજબેહરા વિસ્તારના શિતીપોરામાં થઈ હતી. એન્કાઉન્ટર બાદ હથિયારો અને દારૂગોળો સહિતની ગુનાહિત સામગ્રી મળી આવી છે. હાલ સર્ચ ઓપરેશન ચાલુ છે.
Click it and Unblock the Notifications
Sign in with Google
