લદ્દાખમાં ભૂકંપના ઝટકા, રિક્ટર સ્કેલ પર તીવ્રતા 3.6
લદ્દાખમાં સોમવારે (19 ઓક્ટોબર) સવારે ભૂકંપના ઝટકા અનુભવાયા.
નવી દિલ્લીઃ લદ્દાખમાં સોમવારે (19 ઓક્ટોબર) સવારે ભૂકંપના ઝટકા અનુભવાયા. આજે સવારે લદ્દાખમાં 4 વાગીને 44 મિનિટે ભૂકંપ આવ્યો. નેશનલ સેન્ટર ઑફ સિસ્મોલૉજીના જણાવ્યા મુજબ રિક્ટર સ્કેલ પર ભૂકંપની તીવ્રતા 3.6 રહી. જો કે કોઈ પ્રકારના નુકશાનના સમાચાર હજુ સામે આવ્યા નથી. આ પહેલા લદ્દાખના લેહમાં 6 ઓક્ટોબરે ભૂકંપ આવ્યો હતો.
લદ્દાખ કેન્દ્રશાસિત પ્રદેશના લેહમાં 6 ઓક્ટોબરની સવારે 5 વાગીને 13 મિનિટે ભૂકંપના ઝટકા અનુભવાયા હતા. ભૂકંપ લેહના 174 કિલોમીટર પૂર્વમાં હતુ. એ વખતે રિક્ટર સ્કેલ પર ભૂકંપની તીવ્રતા 5.1 હતી. આ ભૂકંપ બાદ હજુ કોઈ પ્રકારના જાન-માલના નુકશાનની કોઈ માહિતી આવી નથી. લદ્દાખમાં ગયા મહિને 25 સપ્ટેમ્બરે પણ ભૂકંપ આવ્યો હતો જેની તીવ્રતા 5.4 માપવામાં આવી હતી.
ભૂકંપ આવે તો શું કરવુ?
- જો ભૂકંપ આવે અને તમે ઘરમાં હોય તો લાદી પર બેસી જાવ.
- કોઈ મજબૂત ટેબલ કે ફર્નીચરની નીચે બેસીને હાથેથી માથા અને ચહેરાને ઢાંકી દો.
- બહાર હોય તો કોઈ ખાલી જગ્યાએ જતા રહો.
- ભૂકંપના ઝટકા આવવા સુધી ઘરની અંદર જ રહો.
- સમય મળે તો તમે ઘરમાંથી બહાર નીકળીને કોઈ ખાલી જગ્યાએ પણ જઈ શકો છો.
An earthquake with a magnitude of 3.6 hit Ladakh today at 4:44 am: National Centre for Seismology pic.twitter.com/zHbWIrglOC
— ANI (@ANI) October 19, 2020
Air Pollution: આજે પણ દિલ્હીનું હવાનું સ્તર ખરાબ, શ્વાસ લેવામાં થઈ રહી છે સમસ્યા