યુએઇમાં ગેરકાયદે રહેતા 45 હજાર ભારતીયો પરત ફરશેઃ રવિ

By Super

Updated: Saturday, February 7, 2015, 16:54 [IST]

હૈદરાબાદ, 4 ડિસેમ્બરઃ 45 હજારથી વધુ ભારતીયો કે જે યુએઇમાં ગેરકાયદે રીતે રહી રહ્યાં છે તેઓ ગોલ્ફ કન્ટ્રી તરફથી સર્વસાધારણ માફી આપવામાં આવે તેવી આશા રાખી રહ્યાં છે, તેમ પ્રવાસી ભારતીય મામલાઓના મંત્રી વયાલર રવિએ કહ્યું છે. યુએઇ સરકાર દ્વારા જાહેર કરવામાં આવેલી બે મહિનાની સર્વસાધારણ માફીમાં જણાવાયું છે કે, જે લોકો ગરેકાયદે રહે છે તેઓ દંડ ભર્યા વગર દેશ છોડી દે અથવા તો તેઓ પોતાના વિઝાને કાયમી કરાવવાનું કાર્ય આજથી શરૂ કરે અને ફેબ્રુઆરી 3 સુધીમાં પૂર્ણ કરી નાંખે. મંત્રીએ વિવિધ રાજ્યોનાં મંત્રીઓને એક પત્ર લખ્યો છે અને રજૂઆત કરી છે કે તેઓ યુએઇમાં રહેતા તેમના રાજ્યના ગરીબ અને જરૂરિયાતમંદ લોકોને પરત ફરવા માટે મફતમાં એર ટિકિટ્સ આપે.

રવિએ પોતાના પત્રમાં કહ્યું છે,' 2007માં જાહેર કરવામાં આવેલી સર્વસાધારણ માફીમાં અંદાજે 40 હજાર લોકો યુએઇથી ભારત આવ્યા હતા. અમારા મિશનના એસ્ટિમેટના આધારે અંદાજે 45 હજાર ભારતીયો યુએઇમાં ગેરકાયદે રીતે રહી રહ્યાં છે જે સર્વસાધારાણ માફીની રાહ જોઇ રહ્યાં હતા.' યુએઇમાં જે લોકો રહે છે, તેમાં મોટાભાગના લોકો ગરીબ અને ઓછુ કમાતા કામદારો છે જે પોતાની એર ટિકિટની વ્યવસ્થા કરી શકે તેમ નથી અને ભારતીય કોમ્યુનિટી વેલ્ફેર ફંડ કે જેની રચના મંત્રાલય દ્વારા કરવામાં આવી છે તે આ માંગને પહોંચી વળે તેમ નથી, તેમ મંત્રીએ કહ્યું છે.

' હું તમામ મુખ્યમંત્રીઓને રજૂઆત કરુ છું કે તેઓ તેમના રાજ્યના જરૂરિયાતમંદ લોકો કે જે માફી યોજના હેઠળ યુએઇ છોડીને પરત ફરી રહ્યાં છે તેમને મફતમાં એર ટિકિટ્સ આપે. હું તમારી પાસેથી સમાનાધિકૃત પ્રતિક્રિયાની આશા સેવી રહ્યો છું.' તેવી રજૂઆત મંત્રીએ પોતાના પત્રમાં કરી છે.

યુએઇ સરકારના જણાવ્યા પ્રમાણે માફી યોજના જે લોકો ગેરકાયદે રીતે રહી રહ્યાં છે તે કોઇપણ જાતના દંડ વગર દેશ છોડી શકે છે અથવા તો તેઓ પોતાના વિઝાને કાયમી કરાવ્યા પછી દંડ ભરીને રહી શકે છે, આ પ્રક્રિયા ડિસેમ્બર 4થી ફેબ્રુઆરી 3 દરમિયાન કરવાની રહેશે.