હૈદરાબાદમાં વેલેન્ટાઇન ડેનો વિરોધ કરી રહેલા બજરંગદળના 50 કાર્યકરોની અટકાયત
હૈદરાબાદ, 14 ફેબ્રુઆરી : હૈદરાબાદમાં વેલેન્ટાઇન ડેની ઉજવણીનો વિરોધ કરી રહેલા બજરંગ દળના 50 કાર્યકરોની શહેર પોલીસે અટકાયત કરી છે. બજરંગ દળના કાર્યકરો વેલેન્ટાઇન ડેના કાર્ડ સળગાવીને વિરોધ પ્રદર્શન કરી રહ્યા હતા.
મહત્વની બાબત એ છે કે બજરંગદળના કાર્યકરોએ કોઇ પ્રેમી યુગલોને આ દિવસે ઇજા પહોંચાડી હોવાના કોઇ અહેવાલો નથી. બજરંગ દળે વેલેન્ટાઇન ડેની ઉજવણીનો વિરોધ કરવાની આગોતરી જાહેરાત કરી હોવાથી પોલીસે સવારથી જ ચાંપતો બંદોબસ્ત ગોઠવીને વિરોધ પ્રદર્શન વકરે નહીં તેની તકેદારી રાખી હતી.
નોંધનીય છે કે હૈરબાદ પોલીસે કમિશ્નરે વેલેન્ટાઇન ડેની ઉજવણી કરતા યુગલોના બળજબરી પૂર્વક લગ્ન કરાવી આપવા મુદ્દે હિન્દુવાદી સંગઠનોને ચેતવણી આપી હતી. હિન્દુ મહાસભાની હૈદરાબાદ શાખાએ વેલેન્ટાઇન ડેની ઉજવણી કરતા યુગલોના લગ્ન કરવી દેવાની ધમકી ઉચ્ચારી હતી.
Click it and Unblock the Notifications
Sign in with Google
