71 વર્ષના વ્રુદ્ધને પ્રેમજાળમાં ફસાવ્યો, અને પછી કર્યું આ...
71 વર્ષના એક વયોવ્રુદ્ધને એક મહિલાએ પ્રેમજાળમાં ફસાવી તેમની સાથે અશ્લીલ વાતો કરી. પછી એ કૉલને રેકોર્ડ કરી તેમની સાથે લૂંટની ઘટનાને અંજામ આપ્યો. વ્રુદ્ધની પોલિસ ફરિયાદ બાદ પોલિસ આરોપી મહિલાની તપાસમાં લાગી ગઇ છે.
મહિલાએ કેવી રીતે બનાવ્યા એરફોર્સના રિટાયર અધિકારીને પોતાનો શિકાર
સમગ્ર ઘટના દિલ્હીના સાઉથ રોહિણી પોલિસ સ્ટેશન વિસ્તારની છે, જ્યાં રહેતા રિટાયર અધિકારી સલમાન ખાને (71) પોલિસ સ્ટેશનમાં આરોપી મહિલા સામે ફરિયાદ દાખલ કરાવી છે. પોલિસે જણાવ્યું કે સલમાન સાથે મહિલાની મુલાકાત થોડા મહિના પહેલા જ એક પાર્કમાં ફરતી વખતે થઇ હતી. મહિલાએ સલમાન સાથે વાતચીત દરમિયાન કહ્યું હતુ કે તેને મોટી ઉમરના લોકો અને વ્રુદ્ધો સાથે વાત કરવાનું ગમે છે. આ દરમિયાન તેમની વચ્ચે મુલાકાતનો સિલસિલો વધ્યો તો મહિલાએ વ્રુદ્ધને પ્રેમનો પ્રસ્તાવ કરી દીધો. વળી તેણે એક એનજીઓ ખોલવાની વાત પણ સલમાનને કહી.
પોલિસે આરોપી મહિલાની શોધ માટે ચક્રો કર્યા ગતિમાન
71 વર્ષીય સલમાન પણ મહિલાની વાતોમાં આવી ગયા. તેમણે વાતચીત દરમિયાન મહિલાના માંગવા પર તેને પહેલા 20 હજાર રુપિયા આપ્યા. વળી, મહિલા હવે વ્રુદ્ધ સાથે ફોન પર પણ વાત કરવા લાગી. સલમાને પોલિસને જણાવ્યું કે 30 સપ્ટેમ્બરે મહિલા એક વ્યક્તિને લઇને તેમને મળવા આવી. મહિલાએ સલમાન સાથે મુલાકાત દરમિયાન એ કૉલ રેકોર્ડિંગ સંભળાવી અને રુપિયાની માંગ કરી.
મહિલાએ સાથી સાથે મળી કરી લૂટ
એટલુ જ નહિ તે મહિલાએ સલમાન પાસેથી પર્સ, વીંટી સહિત એટીએમમાંથી ચાલીસ હજાર રુપિયા કઢાવીને લૂટી લીધા. આટલુ કર્યા બાદ પણ મહિલાએ સલમાન પાસેથી પચાસ હજાર રુપિયાની માંગ કરી. રિટાયર અધિકારી સલમાને ના પાડતા મહિલાએ તેમને કૉલ રેકોર્ડ પરિવારને મોકલવાની ધમકી પણ આપી. હાલમાં સલમાનની ફરિયાદ બાદ પોલિસ હરકતમાં આવી ગઇ છે. આરોપી મહિલાની શોધ માટે ચક્રો ગતિમાન કરી દેવામાં આવ્યા છે.
Click it and Unblock the Notifications
Sign in with Google
