97 ટકા મહિલાઓ શોષણ અને છેડતીનો ભોગ
એક એનજીઓના સર્વેક્ષણ અનુસાર 15 વર્ષની વયથી વધારે ઉંમરની 97 ટકા મહિલાઓ જાતીય શોષણ અથવા છેડતીનો ભોગ બનેલી હોય છે.
કોર્ટના જસ્ટિસ શાહે જણાવ્યું કે "તમિલનાડુ સરકારે મહિલાઓની છેડતી રોકવા અંગે તાજેતરમાં કાયદો પસાર કર્યો છે. મહારાષ્ટ્ર પણ તેમ કરીને નવું ઉદાહરણ સ્થાપિત કરી શકે છે." કોર્ટે જણાવ્યું કે "મહારાષ્ટ્રની ગણના પ્રગતિશીલ રાજ્ય તરીકે થાય છે. જો આઇપીસીની 354, 506 અને 509 જેવી કલમો લગાવવામાં આવે તો અને તેમને બિનજામીનપાત્ર બનાવવામાં આવે તો તે કડક કાયદા જેવી સાબિત થશે. કારણ કે જો ગુનો જામીનપાત્ર હોય તો દોષિત એમ વિચારે છે કે પછી છૂટી જ જવાશે."
કોર્ટની એક બેંચ મુંબઇ સ્થિત એનજીઓ હેલ્પ મુંબઇ ફાઉન્ડેશન દ્વારા દાખલ કરવામાં આવેલી જાહેર હિતની અરજીની સુનવણી કરી રહી હતી. એનજીઓએ પોતાની એફિડેવિટમાં જણાવ્યું હતું કે 15 વર્ષની વયથી વધારે ઉંમરની 97 ટકા મહિલાઓ જાતીય શોષણ અથવા છેડતીનો ભોગ બનેલી હોય છે.