Murder Mistry : ચા વિક્રતાએ કરી યુવતીની હત્યા, પોલીસે સોલ્વ કર્યો કેસ, વાંચો મર્ડર મિસ્ટ્રી
Murder Mistry: પ્રેમ સંબધમાં અંતર વધારવાની કોશિશને કારણે રોષે ભરાયેલી યુવતીએ ચા વિક્રેતાની ચંપલથી ધોલાઇ કરી હતી. આ દમિયાન બંને વચ્ચે ઉગ્ર બોલાચાલી પણ થઇ હતી. આનાથી કંટાળીને યુવતીને મોતને ઘાટ ઉતારી દીધી હતી. જે બાદ તેની લાશને ફુલપુર પોલીસ સ્ટેશન વિસ્તારના માનપુર ગામની સામે ખેતરમાં ફેંકી દીધી હતી.
આ ઘટનાના એક અઠવાડિયા બાદ યુવતીના મૃતદેહની ઓળખ કર્યા બાદ, ફૂલપુર પોલીસે બુધવારના રોજ આરોપી ચા વેચનારા રાજુ યાદવની ધરપકડ કરી હતી. ઘટના અંગે માહિતી આપતા ડીસીપી વિક્રાંત વીરે જણાવ્યું હતું કે, યુવતીનો મૃતદેહ 5 સપ્ટેમ્બરના રોજ ખેતરમાંથી મળી આવ્યો હતો. લાંબા સમય સુધી તેની ઓળખ થઈ શકી ન હતી.
કેસની તપાસ કરી રહેલા ફૂલપુર પોલીસ સ્ટેશનના ઈન્ચાર્જ દીપક કુમાર રાણાવતે ઈન્ટરનેટ મીડિયા પર યુવતીની તસવીર સર્ક્યુલેટ કરી હતી. થોડા દિવસો બાદ તેમને એક વ્યક્તિનો ફોન આવ્યો અને ફોન કરનારે જણાવ્યું કે, સિગરા વિસ્તારની ઈન્દ્રપુરી કોલોનીમાંથી એક છોકરી થોડા દિવસોથી ગુમ છે, જેની તસવીર ઈન્ટરનેટ મીડિયા પર ફરતી તસવીર સાથે મેળ ખાય છે. આના આધારે જ્યારે પોલીસ કોલોની પર પહોંચી તો તેમને યુવતી વિશે માહિતી મળી હતી.
તેણીની ઓળખ પશ્ચિમ બંગાળના વીરભૂમિ જિલ્લાના બહાદુરપુર ગામની અઝીમ ખાતુન તરીકે થઈ હતી. તે તેની માતા, બહેન અને ભાઈ સાથે ઈન્દ્રપુરી કોલોનીમાં એક ઝૂંપડામાં રહેતી હતી અને કચરો ભેગો કરતી હતી. તેની માતા પશ્ચિમ બંગાળ ગઈ હતી. 10 સપ્ટેમ્બરના રોજ પરત ફર્યા બાદ તેણે પોતાની ઓળખ આપી અને કેસ દાખલ કર્યો હતી.
યુવતીના સંબંધીઓ અને અન્ય લોકોએ ફુલપુર પોલીસ સ્ટેશનના ઈન્ચાર્જને જણાવ્યું હતું કે, યુવતીના કેન્ટ પોલીસ સ્ટેશન વિસ્તારના ફુલવારિયામાં રહેતા રાજુ યાદવ સાથે બે વર્ષથી પ્રેમ સંબંધ હતો. તે ઇંગ્લિશિયા લાઇન પર ચાની દુકાન ચલાવતો હતો. કચરો ભેગો કરતી વખતે યુવતી તેની દુકાને ચા પીવા જતી હતી, જ્યાંથી તેમનો પ્રેમપ્રકરણ શરૂ થયો હતો.
પોલીસે રાજુની શંકાસ્પદ તરીકે તપાસ શરૂ કરી તો ખબર પડી કે, બંને વચ્ચે થોડા મહિનાઓથી અણબનાવ ચાલતો હતો. પોલીસે રાજુની ધરપકડ કરી કડક પૂછપરછ કરતાં, તે ભાંગી પડ્યો હતો અને હત્યાની કબૂલાત કરી હતી.
રાજુએ પોલીસને જણાવ્યું કે, તે પરિણીત છે અને તેને દસ વર્ષનો પુત્ર છે. ઝઘડાના કારણે પત્ની બે વર્ષ પહેલા તેના મામા ચાલી ગઈ હતી. આ દરમિયાન તેને અઝીમ ખાતુન સાથે પ્રેમ સંબંધ બંધાયો હતો.
પાંચ મહિના પહેલા તેની પત્ની પાછી આવી અને તેણે અઝીમથી દૂર રહેવાનું શરૂ કર્યું હતું. મીટિંગ અને ફોન કોલ્સ પણ ઓછા થઈ ગયા હતા. આનાથી નારાજ થઈને યુવતીએ તેના પર લગ્ન માટે દબાણ કરવાનું શરૂ કર્યું હતું.
જ્યારે તેણે ના પાડી, તો તેણે એકવાર તેને દુકાનની બહાર ચપ્પલ વડે માર માર્યો હતો. તે જ્યાં પણ તેને જોતી ત્યાં તે દુર્વ્યવહાર કરતી હતી. તેનાથી કંટાળીને તેણે તેની હત્યા કરવાનું કાવતરું ઘડ્યું હતું.
4 સપ્ટેમ્બરની રાત્રે દસ કલાકે રાજુએ અઝીમ ખાતૂનને બહાર લઈ જવાના બહાને બોલાવી હતી. બાઇક પર ફુલવારિયા થઇને ફુલપુરના માનાપુર ગામ પહોંચ્યા હતા. અહીં તે તેને ડાંગરના ખેતરમાં લઈ ગયો હતો અને દુપટ્ટા વડે તેનું ગળું દબાવી હત્યા કરી હતી.
મૃત્યુની ખાતરી કરવા માટે, તેણે પોતાનો ચહેરો ખેતરના કાદવમાં દફનાવ્યો અને બાઇક સાથે ઘરે પરત ફર્યો હતો. તેની માહિતીના આધારે, પોલીસે ઘટના સ્થળેથી થોડે દૂર ઘટનામાં વપરાયેલા બાઇક અને ફોન સાથે દુપટ્ટો કબ્જે કર્યો હતો.
પોલીસે ઘટનાની ખરાઈ કરવા શહેરમાં લગાવેલા કેમેરાના ફૂટેજ સ્કેન કર્યા હતા. 17 કેમેરામાં રાજુ બાઇક પર આવતો-જતો જોવા મળ્યો હતો. ઈંગ્લીશ લાઈનમાં લગાવેલા કેમેરામાં તે રાત્રે 10.30 કલાકે યુવતી સાથે જતો અને 1 વાગે એકલો પરત ફરતો દેખાતો હતો.
Click it and Unblock the Notifications
Sign in with Google
