ગોપાલ ઇટાલિયાના સમનનો AAP એ કર્યો વિરોધ, દિલ્હીની NCW ઓફિસની બહાર ધરણા
ગુજરાત આમ આદમી પાર્ટીના વડા ગોપાલ ઇટાલિયાને રાષ્ટ્રીય મહિલા આયોગ (NCW) દ્વારા સમન્સ મોકલવામાં આવ્યું છે. NCWએ એક વીડિયોના સંબંધમાં ગુજરાત AAPના વડા ગોપાલ ઈટાલિયાને સમન્સ પાઠવ્યા છે. જેમાં તે પીએમ મોદી માટે 'નીચ' શબ્દનો ઉ
ગુજરાત આમ આદમી પાર્ટીના વડા ગોપાલ ઇટાલિયાને રાષ્ટ્રીય મહિલા આયોગ (NCW) દ્વારા સમન્સ મોકલવામાં આવ્યું છે. NCWએ એક વીડિયોના સંબંધમાં ગુજરાત AAPના વડા ગોપાલ ઈટાલિયાને સમન્સ પાઠવ્યા છે. જેમાં તે પીએમ મોદી માટે 'નીચ' શબ્દનો ઉપયોગ કરતા સાંભળવામાં આવ્યા હતા. આ વિરોધની વચ્ચે ઇટાલિયાએ પણ એક ટ્વિટ કર્યું છે. તેણે કહ્યું કે રાષ્ટ્રીય મહિલા આયોગના વડા મને જેલમાં ધકેલી દેવાની ધમકી આપી રહ્યા છે.
આપ કાર્યકરોએ NCW ઓફિસની સામે કર્યો વિરોધ
ગોપાલ ઇટાલિયાને સમન્સ મળ્યા બાદ AAP કાર્યકરો ગુસ્સે છે. આપ કાર્યકરોએ આજે મહિલા આયોગની કચેરીનો ઘેરાવ કરવાની સાથે કાર્યકરોએ વિરોધ કર્યો હતો. AAP કાર્યકર્તાઓના વિરોધની કેટલીક તસવીરો ન્યૂઝ એજન્સી ANI દ્વારા શેર કરવામાં આવી છે. જેમાં AAP કાર્યકર્તાઓ પ્લેકાર્ડ સાથે ઉભા છે અને મહિલા આયોગ વિરૂદ્ધ સૂત્રોચ્ચાર કરી રહ્યા છે.
|
ઇટાલિયાએ મોદી સરકાર પર કર્યો હુમલો
આ સાથે જ ઈટાલિયાએ મોદી સરકાર પર સવાલો ઉઠાવ્યા અને કહ્યું કે મોદી સરકાર પટેલ સમાજને જેલ સિવાય શું આપી શકે છે. પોતાના ટ્વિટમાં તેમણે લખ્યું છે કે ભાજપ પાટીદાર સમાજને નફરત કરે છે. હું સરદાર પટેલનો વંશજ છું. તમારી જેલથી ડરતો નથી. મને જેલમાં નાખો. તેમણે પોલીસને પણ બોલાવી છે. મને ધમકી આપી રહ્યા છે.
|
રેખા શર્માએ AAP કાર્યકરોના ઘેરાવ અંગે ટ્વિટ કર્યું હતું
રાષ્ટ્રીય મહિલા આયોગના અધ્યક્ષ રેખા શર્માએ ટ્વિટ કરીને AAP કાર્યકર્તાઓના ઘેરાવ વિશે માહિતી આપી હતી. તેમણે કહ્યું કે ઈટાલિયાને નોટિસ મોકલવામાં આવ્યા બાદ AAP કાર્યકર્તાઓ મારી ઓફિસ બાદ વિરોધ કરી રહ્યા છે.
Click it and Unblock the Notifications
Sign in with Google
