અમુલ બાદ મધર ડેરીનું દૂધ 2 રૂપિયા મોંઘુ
કંપની દ્વારા જારી કરવામાં આવેલા એક નિવેદન અનુસાર મધર ડેરી 12 મેથી દિલ્હી-એનસીઆરમાં તમામ પ્રકારના દૂધના ભાવમાં વધારો કરી રહી છે. આ ભાવ વધારા અનસાર ફૂલ ક્રીમ દૂધન ભાવ 48 રૂ. પ્રતિ લીટર થઇ જશે, જે 46 રૂ. પ્રતિ લીટર છે. આ જ પ્રકારે ટોન્ડ દૂધનો ભાવ 36 રૂ. પ્રતિ લીટરથી વધીને 38 રૂ. પ્રતિ લીટર કરી દેવામાં આવ્યો છે.
કંપનીએ કહ્યું કે, ડબલ ટોન્ડ દૂધનો ભાવ 32 રૂ.થી વધીને 34 રૂ. પ્રતિ લીટર કરી દેવામાં આવ્યું છે. જ્યારે ટોકન દૂધનો ભાવ 32 રૂ.થી વધારીને 36 રૂ. કરી દેવામાં આવ્યો છે. નોંધનીય છેકે, મધર ડેરીએ દિલ્હી-એનસીઆરના ભાવ આ વર્ષે એક ફેબ્રુઆરીએ વધાર્યા હતા. કંપનીએ કહ્યું કે, મધર ડેરી છેલ્લા કેટલાક મહિનાઓથી કાચા દૂધના વધતા ભાવોના કારણે રીટેલ મુલ્ય વધારવા માટે મજબૂર છે. કંપનીએ હંમેશાથી પોતાના ઉપભોક્તાઓના હિતો અને દુધ ઉત્પાદકોના હિતોની વચ્ચે સંતુલન જાળવવાનો પ્રયાસ કર્યો છે.