Akhilesh Yadav Daughter : શું કરે છે અખિલેશ યાદવની દિકરી અદિતી યાદવ? જાણો કેમ ચર્ચામાં છે?
Akhilesh Yadav Daughter: ઉત્તર પ્રદેશના પુર્વ મુખ્યમંત્રી અખિલેશ યાદવની દિકરી અદિતી યાદવ આ દિવસોમાં ચર્ચામાં છે. કાશ્મીરના નવા મુખ્યમંત્રીના શપથ ગ્રહણ સમારોહમાં તેણી પિતા અખિલેશ યાદવ સાથે પહોંચી હતી.
જમ્મુ કાશ્મીર શપથ ગ્રહણ સમારોહ બાદ તેણી સતત ચર્ચામાં છે. અહેવાલો એવા પણ છે કે તે રાજનીતિમાં એન્ટ્રી કરી શકે છે.
અખિલેશ યાદવે ખુદ અદિતી યાદવ સાથેના ફોટો તેના સોશિયલ હેન્ડલ પર શેર કર્યા હતા. આ તસવીર સામે આવતા લોકોને લાગી રહ્યું છે કે તેણી રાજકારણમાં આવવાની તૈયારીમાં છે.
જણાવી દઈએએ કે, લોકસભા ચૂંટણી 2024 દરમિયાન પણ અદિતિ યાદવ ઘરે-ઘરે જઈને તેની માતા ડિમ્પલ યાદલ અને પિતા અખિલેશ માટે વોટ માંગતી જોવા મળી હતી. તે સમયે લોકો તેણીને ઘર કી બિટિયા કહીને બોલાવતા હતા.
લોકસભા ચૂંટણી બાદ અદિતિ ફરી એક રાજકીય કાર્યક્રમમાં હાજરી આપવાને કારણે ચર્ચામાં છે. અદિતિ ઉપરાંત તેના ભાઈ અર્જુન યાદવે પણ મુખ્યમંત્રી ઓમર અબ્દુલ્લાના શપથ ગ્રહણ સમારોહમાં હાજરી આપી હતી.
આ બીજી વખત છે જ્યારે અદિતિ યાદવ કોઈ રાજકીય કાર્યક્રમમાં જોવા મળી છે. અખિલેશે શેર કરેલી તસવીરો જોઈને લાગે છે કે મુલાયમ સિંહ યાદવની ત્રીજી પેઢી પણ રાજકારણમાં આવવા તૈયાર છે.
સમાજવાદી પાર્ટી સામે ભાઈ-ભત્રીજાવાદના આરોપો છતાં અદિતિ યાદવ મુલાયમ સિંહ યાદવના વંશની ત્રીજી પેઢીનું પ્રતિનિધિત્વ કરતી જોવા મળે છે.
કોણ છે અદિતિ યાદવ?
અદિતિ યાદવ સમાજવાદી પાર્ટીના વડા અને સાંસદ અખિલેશ યાદવ અને સાંસદ ડિમ્પલ યાદવની પુત્રી છે. અદિતિ યાદવ 21 વર્ષની છે.
અદિતિ યાદવે તેનું સ્કૂલિંગ લખનૌની લા માર્ટિનીયર ઇન્ટર કોલેજમાંથી કર્યું છે. અદિતિએ વર્ષ 2020માં 12માની પરીક્ષામાં 98 ટકા માર્ક્સ મેળવ્યા હતા.
હાલમાં અદિતિ યાદવ યુનિવર્સિટી કોલેજ લંડન (UCL)માંથી રાજકારણ અને આંતરરાષ્ટ્રીય સંબંધોનો અભ્યાસ કરી રહી છે. અદિતિ યાદવને બેડમિન્ટન અને ઘોડેસવારીનો પણ શોખ છે.
અદિતિ યાદનની રાજનીતિમાં પ્રવેશવાની યોજના પર સવાલો ઉભા થઈ રહ્યા છે. જો કે, મુલાયમ સિંહ યાદવની પૌત્રીના રાજકારણમાં પ્રવેશવાની અટકળો અંગે સમાજવાદી પાર્ટીએ કોઈ વાત કરી નથી.
લોકસભા ચૂંટણી પ્રચાર દરમિયાન ડિમ્પલ યાદવે કહ્યું હતું કે, અદિતિ માત્ર મારા માટે પ્રચાર જ નથી કરી રહી પરંતુ એક રીતે તે પોતાના મૂળ પણ શોધી રહી છે. તે લોકોને મળી રહી છે, તેમના ઘરે જઈ રહી છે અને તેમની સાથે સમય વિતાવી રહી છે.
પુત્રીની રાજકીય યોજનાઓ અંગે ડિમ્પલ યાદવે કહ્યું હતું કે, તે પોતાનો નિર્ણય લેવા માટે સ્વતંત્ર છે. મેં હંમેશા મારા બાળકોને ટેકો આપ્યો છે અને તે સંપૂર્ણપણે તેના પર નિર્ભર છે કે તે રાજકારણમાં કારકિર્દી બનાવવા માંગે છે કે નહીં.
Click it and Unblock the Notifications
Sign in with Google
