Aligarh Muslim University : અલીગઢ યુનિવર્સિટીને સુપ્રીમ કોર્ટે માઈનોરિટી સંસ્થા ગણાવી, જાણો તેની ખાસિયત

Aligarh Muslim University : સુપ્રીમ કોર્ટે ઐતિહાસિહ નિર્ણયમાં અલીગઢ મુસ્લિમ યુનિવર્સિટી લઘુમતિ સંસ્થા ગણાવી છે. આ સાથે નવી રાજનીતિ શરૂ થઈ છે.

સુપ્રીમ કોર્ટે અલીગઢ મુસ્લિમ યુનિવર્સિટીને લઘુમતી દરજ્જાની હકદાર ગણાવી છે. જો કે કોર્ટે આ અંગે નિર્ણય માટે નવી બેંચને કેસ સોંપ્યો છે.

આ બેંચમાં 3 જજ હશે અને નવેસરથી નિર્ણય લેશે. જણાવી દઈએ કે સુપ્રીમ કોર્ટે હાઈકોર્ટના એ નિર્ણયને પલટી નાખ્યો જેમાં AMUને લઘુમતી સંસ્થા માનવાનો ઈન્કાર કર્યો હતો.

જાણો અલીગઢ મુસ્લિમ યુનિવર્સિટી સાથે જોડાયેલી મહત્વની બાબતો

• AMUની સ્થાપના 1875માં સર સૈયદ અહેમદ ખાને કરી હતી. તેમને મુસ્લિમ સમાજમાં આધુનિક શિક્ષણના ઉદેશ્ય અને ભારતીય મુસ્લિમ યુવાનો સમય સાથે તાલ મિલાવી શકે તેટલા માટે આ યુનિવર્સિટી બનાવી.
• પહેલા તેની સ્થાપના મોહમ્મડન એંગ્લો-ઓરિએન્ટલ કોલેજ તરીકે કરવામાં આવી હતી. 1920 માં તેને અલીગઢ મુસ્લિમ યુનિવર્સિટી તરીકે માન્યતા મળી.
• આ કેન્દ્રીય યુનિવર્સિટી છે અને રાષ્ટ્રીય મહત્વનો દરજ્જો ધરાવે છે. AMUમાં માત્ર મુસ્લિમ સમુદાયના વિદ્યાર્થીઓ જ નથી પરંતુ અનેક ધર્મના લોકો અભ્યાસ કરે છે.
• AMUને જ્ઞાનનો ખજાનો કહેવામાં આવે છે. અહીં આવેલી મૌલાના આઝાદ લાઇબ્રેરી એશિયાની સૌથી મોટી લાઈબ્રેરી છે.
• શિક્ષણ સાથે સાથે AMU તેની સુંદર ઇમારતો માટે જાણીતી છે. અહીં ઇસ્લામિક, ભારતીય અને પશ્ચિમી સ્થાપત્યનું મિશ્રણ છે.
• અલીગઢ મુસ્લિમ યુનિવર્સિટીએ મહિલા શિક્ષણની હિમાયત કરી છે, હજારો વિદ્યાર્થીનીઓ અહીં ઉચ્ચ શિક્ષણ મેળવી રહી છે.
• અલીગઢ મુસ્લિમ યુનિવર્સિટીની મહિલા કોલેજના સ્થાપક શેખ અબ્દુલ્લા હતા, જેમણે હંમેશા મહિલા શિક્ષણની હિમાયત કરી હતી, તેમણે મહિલાઓ માટે એક માસિક મહિલા સામયિક ખાતૂન પણ પ્રકાશિત કર્યું હતું.
• આંતરરાષ્ટ્રીય સ્તરે AMU 2023ની QS વર્લ્ડ યુનિવર્સિટી રેન્કિંગમાં 1001-1200, એશિયામાં 271-280 અને 2023ની ટાઈમ્સ હાયર એજ્યુકેશન વર્લ્ડ યુનિવર્સિટી રેન્કિંગમાં વિશ્વમાં 801-1000માં ક્રમે હતું.
• અલીગઢ મુસ્લિમ યુનિવર્સિટી 7 કોલેજો, 15 કેન્દ્રો, 3 સંસ્થાઓ, મિન્ટો સર્કલ સહિત 10 શાળાઓ અને દૃષ્ટિહીન લોકો માટે અહમદી શાળાનું સંચાલન કરે છે.

English summary

Aligarh Muslim University: AMU has been declared a minority institution by the Supreme Court