ભૂપેન્દ્ર સિંહ હૂડા પર લાગ્યો ‘બીજા લગ્ન’નો આરોપ
ચંદીગઢ, 4 માર્ચઃ ઇન્ડિયન નેશનલ લોકદળના વરિષ્ઠ નેતા અભય સિંહ ચૌટાલાએ હરિયાણાના મુખ્યમંત્રી ભૂપેન્દ્ર સિંહ હૂડા પર એક પત્ની હોવા છતાં પણ બીજા લગ્ન કરવાનો આરોપ લગાવ્યો છે. ચૌટાલાએ કહ્યું કે, હૂડાએ 1989માં કોંગ્રેસની એક યુવા સભ્ય સાથે દગો કરીને લગ્ન કર્યા હતા, આજે તેમનો સત્તર વર્ષનો એક પુત્ર પણ છે, તેને તેનો હક મળવો જોઇએ.
જ્યારે હૂડાના સમર્થકોનું કહેવુ છે કે આ ચૂંટણી પહેલા મુખ્યમંત્રીની છબીને ખરાબ કરવાનો પ્રયાસ છે અને આવું કંઇક હોત તો આ લોકોએ અત્યારસુધી અવાજ કેમ ઉઠાવ્યો નહીં? ભૂપેન્દ્ર સિંહ હૂડાને એક પત્ની અને બે બાળકો છે, આ ધ્યાન આપવા યોગ્ય છે કે, ગઇ કાલે જ એનડી તિવારીએ રોહિત શેખરને પોતાનો પુત્ર માન્યો અને આજે હૂડાનો કેસ સામે આવ્યો છે.
Click it and Unblock the Notifications
Sign in with Google
