જેમના નામ પરથી પડ્યુ હતુ કશ્મીરનું નામ તે કશ્પય ઋષિ કોણ હતા? અમિત શાહે જણાવ્યો ઈતિહાસ

કેન્દ્રીય ગૃહ પ્રધાન અમિત શાહે ગુરુવારે કાશ્મીરના ઇતિહાસ અને આતંકવાદના ઇકોસિસ્ટમને નાબૂદ કરવા અંગે પુસ્તક 'જમ્મુ-કાશ્મીર અને લદ્દાખ થ્રુ ધ એજીસ'ના વિમોચન દરમિયાન મહત્વપૂર્ણ નિવેદનો આપ્યા હતા. શાહે કાશ્મીરના સાંસ્કૃતિક મહત્વ અને ભારત સાથેના તેના જોડાણ અંગે પણ ઘણી બાબતો શેર કરી હતી. અમિત શાહે પોતાના સંબોધનમાં કાશ્મીરનો ઐતિહાસિક સંદર્ભ આપતાં કશ્યપ ઋષિનો ઉલ્લેખ કર્યો હતો. તેમણે કહ્યું કે કાશ્મીરને કશ્યપની ભૂમિ તરીકે ઓળખવામાં આવે છે અને એ પણ શક્ય છે કે કાશ્મીરનું નામ કશ્યપ ઋષિના નામ પરથી પડ્યું હોય.

કશ્યપ બ્રહ્મા ઋષિના પુત્ર મારીચીનો પુત્ર હતો. તેમની 17 પત્નીઓ હતી, જેમાંથી 13 દક્ષ પ્રજાપતિની પુત્રીઓ હતી. ઋષિ કશ્યપે કશ્યપ સંહિતા અને સ્મૃતિ ગ્રંથ સહિત અનેક ગ્રંથોની રચના કરી હતી. પ્રાચીન ગ્રંથો અનુસાર, ઋષિ કશ્યપે કાશ્મીરમાં તપસ્યા કરી હતી, અને તેથી એવું માનવામાં આવે છે કે કાશ્મીરનું નામ તેમના નામ પરથી પડ્યું હતું અને કાશ્મીરના પ્રથમ રાજા પણ મહર્ષિ કશ્યપ હતા.

અમિત શાહે કહ્યું કે વિશ્વમાં ભારત એકમાત્ર એવો દેશ છે જેની સરહદો ભૂ-સાંસ્કૃતિક છે. તેમણે કહ્યું કે ભારતને માત્ર ભારતીય પરિપ્રેક્ષ્યથી જ સમજી શકાય છે, ભૌગોલિક રાજકીય પરિપ્રેક્ષ્યથી નહીં. કાશ્મીરના ઐતિહાસિક અને સાંસ્કૃતિક મહત્વને રેખાંકિત કરતાં તેમણે કહ્યું કે વેપાર અને આધ્યાત્મિકતા બંનેનો મજબૂત આધાર કાશ્મીરથી સિલ્ક રૂટ અને મધ્ય એશિયા સુધીની સંસ્કૃતિમાં રહેલો છે. શંકરાચાર્ય મંદિરથી હેમિસ મઠ સુધીની યાત્રા કાશ્મીરની સાંસ્કૃતિક સમૃદ્ધિ દર્શાવે છે.

કાશ્મીર ભારતની આત્માનો ભાગ

શ્યામા પ્રસાદ મુખર્જીના પ્રસિદ્ધ અવતરણનો ઉલ્લેખ કરતા ગૃહમંત્રીએ કહ્યું કે "જમ્મુ અને કાશ્મીર માત્ર ભારતનો જ એક ભાગ નથી પણ ભારતની આત્માનો અભિન્ન ભાગ છે." તેમણે કહ્યું કે આ પુસ્તક તે વિચારને સાબિત કરે છે અને ઇતિહાસને સત્ય અને પુરાવા સાથે રજૂ કરે છે, જે એક મોટી ઉપલબ્ધિ છે. મોદી સરકાર જમ્મુ અને કાશ્મીરમાં આતંકવાદને રોકવામાં સફળ રહી છે, અને આતંકવાદની સમગ્ર ઇકોસિસ્ટમનો પણ અંત આવ્યો છે.

અમે આતંકવાદનો નાશ કર્યો

અમિત શાહે કહ્યું કે કલમ 370 અને 35Aએ કાશ્મીરમાં અલગતાવાદને પ્રોત્સાહન આપ્યું હતું અને તે બંનેને 5 ઓગસ્ટ 2019ના રોજ રદ કરવામાં આવ્યા હતા. તેમણે કાશ્મીરના ભારતમાં સંપૂર્ણ એકીકરણના માર્ગમાં આને મુખ્ય અવરોધો ગણાવ્યા. શાહે કહ્યું કે મોદી સરકારે માત્ર આતંકવાદને જ ખતમ કર્યો નથી પરંતુ આતંકવાદના સમગ્ર માળખાને પણ ખતમ કરી દીધો છે.

હવે નવો ઈતિહાસ લખવાનો સમય

અમિત શાહે એમ પણ કહ્યું કે ભારતના દરેક ખૂણાનો હજારો વર્ષ જૂનો ઈતિહાસ વિશ્વની સંસ્કૃતિને સમૃદ્ધ કરવામાં મદદરૂપ થઈ રહ્યો છે. ગુલામીના જમાનામાં આ ઈતિહાસને ભૂલી જવાનો પ્રયાસ કરવામાં આવ્યો હતો, પરંતુ હવે સમય આવી ગયો છે કે ભારતનો ઈતિહાસ તથ્યો અને પુરાવાઓના આધારે લખવો જોઈએ.

10 હજાર વર્ષ જૂની સંસ્કૃતિ

અંતે અમિત શાહે કહ્યું કે કાશ્મીરમાં 10,000 વર્ષથી સંસ્કૃતિ, ભાષાઓ, લિપિ, આધ્યાત્મિક વિચારો અને વેપાર અસ્તિત્વમાં છે, અને આ બધું કાશ્મીરથી દેશના અન્ય ભાગોમાં ફેલાયું છે. આ પુસ્તકે સાબિત કર્યું છે કે કાશ્મીર ભારતનો અભિન્ન અંગ છે અને તેનું જોડાણ હંમેશા રહેશે.