અનંત અંબાણી-રાધિકા મર્ચન્ટના લગ્નમાં વપરાયા અધધ આટલા રૂપિયા, જાણો ભારતના સૌથી મોંઘા લગ્નો વિશે
હાલમાં જ અંબાણી પરિવારમાં લગ્નનો માહોલ પુરો થયો છે. જામનગરમાં દેશ-વિદેશના વિવિધ સ્ટાર્સ સાથે આ લગ્ન સમારોહમાં કરોડો રૂપિયા વપરાયા.
અહેવાલો અનુસાર, આ ત્રણ દિવસીય પ્રી-વેડિંગ સેરેમનીમાં 1,000 કરોડ રૂપિયાથી વધુનો ખર્ચ થયો હોવાનો અંદાજ છે. આ સાથે આજે અમે તમને દેશના કેટલાક મોંઘા લગ્નો વિશે જણાવવા જઈ રહ્યાં છીએ.
લક્ષ્મી મિત્તલની દીકરીના લગ્ન
દિગ્ગજ ઉદ્યોગપતિ લક્ષ્મી મિત્તલની પુત્રી વનિષા મિત્તલે 2004માં ઉદ્યોગપતિ અમિત ભાટિયા સાથે ખૂબ જ ધામધૂમથી લગ્ન કર્યા હતા. આ લગ્નમાં કરોડો રૂપિયાનો ખર્ચ કરવામાં આવ્યો હતો. આ ભારતના સૌથી મોંઘા લગ્નોમાંના એક હતા. આ લગ્નમાં અનેક હસ્તીઓ હાજર રહી હતી. લગ્નમાં ઘણા સેલેબ્સે પણ પરફોર્મ કર્યું હતું. ફોર્બ્સ અનુસાર, આ લગ્નમાં લગભગ 240 કરોડ રૂપિયાનો ખર્ચ કરવામાં આવ્યો હતો.
ઈશા અંબાણી અને આનંદ પીરામલના લગ્ન
અબજોપતિ મુકેશ અંબાણીની પુત્રી ઈશા અંબાણીએ 2018માં એક ભવ્ય સમારોહમાં બિઝનેસમેન આનંદ પીરામલ સાથે લગ્ન કર્યા હતા. આ કાર્યક્રમમાં વિશ્વભરમાંથી મહેમાનોએ હાજરી આપી હતી. વિશ્વની સેલિબ્રિટીઓમાં હિલેરી ક્લિન્ટન પણ લગ્ન પહેલાના સમારંભમાં હાજરી આપી હતી. લાઈફસ્ટાઈલ એશિયાના રિપોર્ટ અનુસાર આ લગ્નમાં લગભગ 700 કરોડ રૂપિયાનો ખર્ચ કરવામાં આવ્યો હતો.
જનાર્દન રેડ્ડીની પુત્રીના લગ્ન
કર્ણાટકના પૂર્વ પ્રધાન જનાર્દન રેડ્ડીની પુત્રીના લગ્ન ભારતના સૌથી મોંઘા લગ્નોમાંથી એક છે. જનાર્દન રેડ્ડીની પુત્રી બ્રાહ્મણીના લગ્ન 6 નવેમ્બર 2016ના રોજ થયા હતા. આ લગ્નને 7 વર્ષ વીતી ગયા છે, પરંતુ આજે પણ આ લગ્ન ચર્ચાનો વિષય છે. આ લગ્ન કોઈ સપનાથી ઓછા નહોતા, તેમાં 500 કરોડ રૂપિયાનો ખર્ચ કરવામાં આવ્યો હતો. આ લગ્નની માત્ર કર્ણાટકમાં જ નહીં પરંતુ સમગ્ર દેશ અને દુનિયામાં ચર્ચા થઈ.
સુબ્રત રોય સહારાના પુત્રોના લગ્ન
બે દાયકા પહેલા જ્યારે સુબ્રત રોય સહારાએ તેમના બે પુત્રોના લગ્ન કર્યા ત્યારે ઉજવણીમાં કરોડો રૂપિયા પાણીની જેમ ખર્ચવામાં આવ્યા હતા. તે શાહી લગ્નની દેશભરમાં ચર્ચા થઈ હતી. 10 ફેબ્રુઆરી 2004ના રોજ રોયના મોટા પુત્ર સુશાંતના લગ્ન થયા અને 4 દિવસ પછી 14 ફેબ્રુઆરીએ નાના પુત્ર સુશાંતના લગ્ન થયા. આ લગ્નોમાં દેશભરમાંથી 10,500 VIP મહેમાનો સામેલ થયા હતા.
Click it and Unblock the Notifications
Sign in with Google
