ફીલ્ડ કમાંડર્સને આર્મી ચીફ મુકુંદ નરવણેનો મેસેજ, કોઈપણ સ્થિતિ માટે તૈયાર રહો

નવી દિલ્હીઃ સેના પ્રમુખ જનરલ મનોજ મુકુંદ નવરણેએ ફિલ્ડ કમાંડરોને કોઈપણ સ્થિતિ માટે તૈયાર રહેવાનું કહ્યું છે. સાથે જ કોઈ ઓપરેશન માટે પણ તૈયારી રાખવા કહ્યું છે. એએનઆઈએ સૂત્રોના હવાલેથી આ સમાચાર આપ્યા છે. આર્મી ચીફનો ફિલ્ડ કમાંડર્સને અલર્ટ રહેવાનો આ મેસેજ એવા સમયે આવ્યો છે, જ્યારે ચીન સાથે સીમા પર સંબંધો ઘણા તણાવપૂર્ણ છે.

ભારતના પોતાના પડોસીઓ સાથેના સંબંધ હાલ તણાવપૂર્ણ છે. ચીન સાથે લદ્દાખમાં તો એલઓસી પર પાકિસ્તાન સતત સીઝફાયરનું ઉલ્લંઘન કરતાં ગોળીબાર કરી રહ્યું છે. રક્ષામંત્રાલયે પણ હાલમાં જ એક ડૉક્યૂમેન્ટમાં એમ કહ્યું હતું કે ચીની સેનાએ લદ્દાખમાં અતિક્રમણ કર્યું છે અને ચીનની આક્રમકતાથી પૂર્વી લદ્દાખમાં સ્થિતિ સંવેદનશીલ છે. અહીં હાલાત બગડી શેકે છે. જો કે બાદમાં આ ડૉક્યૂમેન્ટને સાઈટ પરથી હટાવી લેવામાં આવ્યા હતા.

મે મહિનાથી લદ્દાખમાં ભારત અને ચીન વચ્ચેના સતત તણાવના અહેવાલ આવી રહ્યા છે. સતત કેટલાય રિપોર્ટમાં દાવો કરવામાં આવ્યો કે ચીને ભારતની જમીન પર કબ્જો કરી લીધો છે. ગલવાન ઘાટીમાં 15 જૂને બંને દેશોન સૈનિકો વચ્ચે હિંસક અથડામણ પણ થઈ હતી. અથડામણ દરમિયાન 20 ભારતીય સૈનિકો શહીદ થઈ ગયા હતા. જે બાદ સતત કેટલાય તબક્કામાં બંને દેશો વચ્ચે વાતચીત થઈ ચૂકી છે પરંતુ હજી સુધી કોઈ ઉકેલ નથી નીકળ્યો. ચીને પરત જવાને લઈને પણ કોઈ ભરોસો નથી અપાવ્યો.

English summary

army chief asked field officer to be ready for any situation at LAC