દિલ્લીના CM કેજરીવાલ અને પંજાબના સીએમ માને જલંધરમાં બતાવી વૉલ્વો બસ સેવાને લીલી ઝંડી

પંજાબના શહેરોમાંથી દિલ્લી એરપોર્ટ સુધી ચાલતી વૉલ્વો બસનુ લૉન્ચિંગ થઈ ચૂક્યુ છે.

Published: Thursday, June 16, 2022, 11:44 [IST]

જલંધરઃ પંજાબના શહેરોમાંથી દિલ્લી એરપોર્ટ સુધી ચાલતી વૉલ્વો બસનુ લૉન્ચિંગ થઈ ચૂક્યુ છે. દિલ્લીના સીએમ અને આપના રાષ્ટ્રીય સંયોજક અરવિંદ કેજરીવાલ અને સીએમ ભગવંત માને આને લીલી ઝંડી આપી દીધી. બંનેના સ્વાગત માટે આપના કાર્યકર્તા જલંધરમાં મોટી માત્રામાં એકઠા થયા હતા. કાર્યક્રમના ફોટા પણ જાહેર થઈ ચૂક્યા છે.

અહીં તમે જોઈ શકો છો કે આમ આદમી પાર્ટીના કન્વીનર અને દિલ્હીના સીએમ અરવિંદ કેજરીવાલ, પંજાબના સીએમ ભગવંત માને ફ્લેગ ઓફ કર્યુ છે. આ સાથે સરકારી વૉલ્વો બસ સેવા આજથી દિલ્હી એરપોર્ટ સુધી શરૂ થઈ છે જેનુ ભાડુ પ્રતિ રાઈડ 1170 રૂપિયા રાખવામાં આવ્યુ છે. પરિવહન અધિકારીએ કહ્યુ કે અત્યાર સુધી પ્રીમિયમ બસ સેવા દ્વારા દિલ્હી જતા મુસાફરોની નિર્ભરતા ખાનગી બસો પર હતી જેનુ ભાડુ 3000થી 3500 રૂપિયા છે. આ સ્થિતિમાં આ નવી બસ સેવા શરૂ કર્યા બાદ હવે એક મુસાફરની અંદાજે બે હજારથી 2300 રૂપિયાની બચત થશે. આ સરકારી બસો મુસાફરોને એરપોર્ટ ટર્મિનલથી લગભગ એક કિલોમીટર પહેલા ઉતારશે. ત્યાં સ્ટેજ બનાવવામાં આવશે. જ્યાંથી દિલ્હી એરપોર્ટ ઓથોરિટીની બસો મુસાફરોને મફતમાં ટર્મિનલ સુધી લઈ જશે.

મીડિયા રિપોર્ટ્સમાં કહેવામાં આવ્યુ હતુ કે આજે બસ સેવા શરૂ કરવાના સમારોહમાં લગભગ 10 લાખ રૂપિયાનો ખર્ચ થયો હશે. આ માટે આદમપુર સુધી 300 જેટલા સરકારી ફ્લેક્સ લગાવવામાં આવ્યા હતા. વળી, મેનૂમાં ઘણા કાળા રંગનો સમાવેશ કરવામાં આવ્યો હતો. પંજાબના મંત્રીઓ ઉપરાંત પરિવહન મંત્રીઓ, સચિવો અને અધિકારીઓની ટીમ પણ દિલ્હીથી આવી હતી. પંજાબના 10 જિલ્લામાંથી રોડવેઝના જનરલ મેનેજર આવ્યા હતા.

Published On June 16, 2022