કેજરીવાલ સરકારે શિક્ષણ માટે ખોલ્યો ખજાનો, 16575 કરોડ કરશે ખર્ચ, આ રાજ્યો કરતા દિલ્લીનુ શિક્ષણ બજેટ વધુ
Delhi Education Model: દિલ્લી સરકારે બુધવારે તેમનુ બજેટ રજૂ કર્યુ. દિલ્લી સરકારે ફરી એકવાર શિક્ષણ માટે તિજોરી ખોલી દીધી છે. કેજરીવાલ સરકારે કુલ 78800 કરોડ રૂપિયાનુ બજેટ રજૂ કર્યુ, જેમાંથી 16575 કરોડ રૂપિયા શિક્ષણ માટે ફાળવવામાં આવ્યા છે. દિલ્લી સરકાર તેના 2023-34ના બજેટનો 21 ટકા શિક્ષણ પર ખર્ચ કરશે. શાળાઓમાં શિક્ષણમાં અભૂતપૂર્વ સુધારા બાદ હવે રમતગમત સંકુલ પણ બનાવવામાં આવશે.
દિલ્લી સરકાર શરૂઆતથી જ શિક્ષણ પર યોગ્ય રકમનુ બજેટ ખર્ચે છે. અરવિંદ કેજરીવાલના શાસનમાં દિલ્લીની શાળાઓની કાયાપલટ કરવામાં આવી હતી. બાળકો હવે નિયમિત રીતે સરકારી શાળામાં આવવા લાગ્યા છે. શાળાની ઇમારતો તૈયાર કરીને સમારકામ કરવામાં આવ્યુ હતુ. શિક્ષકોને તાલીમ માટે વિદેશ મોકલવામાં આવ્યા હતા. જેના કારણે દિલ્લીની શાળાઓમાં શિક્ષણ ક્રાંતિ શરૂ થઈ શકી છે.
સીએમ કેજરીવાલે આ વખતે પણ શિક્ષણ બજેટ પર ઉદારતાથી ખર્ચ કર્યો. આ સાથે 12 નવી એપ્લાઇડ લર્નિંગ સ્કૂલો પણ શરૂ કરવામાં આવશે. બાળકોને તેમની કુશળતા બતાવવાની તક મળશે. બાળકો તેમજ શિક્ષકોને ખાસ ભેટ આપવામાં આવી છે. બજેટમાં તમામ ટીચિંગ સ્ટાફને નવા ટેબલેટ આપવાની વાત કરવામાં આવી છે. તમામ શિક્ષકો, આચાર્યો, વાઇસ પ્રિન્સિપાલો અને અન્ય શિક્ષણ કર્મચારીઓને નવા ટેબલેટ આપવામાં આવશે. આગામી વર્ષમાં 37 ડૉ.આંબેડકર એક્સેલન્સ સ્કૂલ બનાવવામાં આવશે.
તે પહેલા ગયા વર્ષે દિલ્લીનુ બજેટ 16,278 કરોડ રૂપિયા હતુ. આ વર્ષે તે વધારીને 16575 કરવામાં આવી છે. જ્યારે દિલ્લીનુ બજેટ ઘણા રાજ્યો કરતા વધુ છે. દિલ્લીનુ બજેટ છત્તીસગઢ અને આસામ સહિત અન્ય રાજ્યો કરતા વધારે છે. અને ગયા વર્ષે મનીષ સિસોદિયાએ કહ્યુ હતુ કે દિલ્લીનુ બજેટ અન્ય રાજ્યો કરતા વધુ છે. અન્ય રાજ્યો શિક્ષણ પર વધુ બજેટ ખર્ચતા નથી. દિલ્લી સરકારનુ શિક્ષણનુ મોડલ શાળાની ઈમારતો બનાવવા અને સારા માર્ક્સ મેળવવાથી ઘણુ આગળ વધી ગયુ છે. અમે શિક્ષણને મહત્તમ બજેટ આપ્યુ છે. કોઈએ કલ્પના પણ કરી ન હતી કે ન્યૂયોર્ક ટાઈમ્સ શાળાઓની સફળતાઓ પણ પ્રકાશિત કરશે.
Click it and Unblock the Notifications
Sign in with Google
