CM કેજરીવાલની ધરપકડના વિરોધમાં આજે AAPનુ દેશભરમાં પ્રદર્શન, જાણો અત્યાર સુધીની અપડેટ
Delhi CM Arvind Kejriwal Arrested: દિલ્હીના મુખ્યમંત્રી અરવિંદ કેજરીવાલની દિલ્હી લિકર પૉલિસી કેસમાં એન્ફોર્સમેન્ટ ડિરેક્ટોરેટ (ED) દ્વારા ગુરુવારે સાંજે ધરપકડ કરવામાં આવી હતી. અરવિંદ કેજરીવાલે આખી રાત ED જેલમાં વિતાવી. સ્વતંત્ર ભારતમાં ધરપકડ થનાર તેઓ પ્રથમ વર્તમાન મુખ્યમંત્રી છે.
શુક્રવારે એટલે કે આજે આમ આદમી પાર્ટી કેજરીવાલની ધરપકડના વિરોધમાં દેશભરમાં વિરોધ પ્રદર્શન કરશે. બીજી તરફ, સુપ્રીમ કોર્ટ આપની કાનૂની ટીમ દ્વારા દાખલ કરવામાં આવેલી અરજી પર પણ સુનાવણી કરી શકે છે. જે બાદ કેજરીવાલનું ભવિષ્ય નક્કી થશે. આવો જાણીએ કે ધરપકડથી લઈને જેલમાં રાત સુધીની સંપૂર્ણ અપડેટ.
દિલ્હી હાઇકોર્ટે ગુરુવારે દિલ્હી એક્સાઇઝ પૉલિસી કેસમાં એન્ફોર્સમેન્ટ ડિરેક્ટોરેટના સમન્સ સામે અરવિંદ કેજરીવાલને દંડાત્મક કાર્યવાહીથી કોઈપણ વચગાળાનું રક્ષણ આપવાનો ઇનકાર કર્યો હતો. કોર્ટે વધુ વિચારણા માટે 22 એપ્રિલના રોજ સુરક્ષાની માંગ કરતી મુખ્ય પ્રધાનની અરજીને સૂચિબદ્ધ કરી હતી.
સાંજે 7 વાગે એન્ફોર્સમેન્ટ ડિરેક્ટોરેટના અધિકારીઓની એક ટીમ કેજરીવાલના સિવિલ લાઇન્સના નિવાસસ્થાને પહોંચી હતી. દારૂ નીતિ કેસમાં અરવિંદ કેજરીવાલને 10મુ સમન્સ પાઠવવામાં આવ્યું છે. તપાસ અધિકારીઓએ તેમના નિવાસસ્થાનની તલાશી લીધી હતી અને મુખ્યમંત્રીની પૂછપરછ પણ કરી હતી. સૂત્રોએ જણાવ્યું કે અધિકારીઓએ અરવિંદ કેજરીવાલ અને તેમના પરિવારના સભ્યોના મોબાઈલ ફોન પણ છીનવી લીધા હતા.
AAP નેતાઓ અને સમર્થકો વિરોધ કરવા માટે એકઠા થયા હોવાથી મુખ્યમંત્રીના આવાસની બહાર ભારે પોલીસ બંદોબસ્ત ગોઠવી દેવામાં આવ્યો હતો. બેરિકેડીંગ કરવામાં આવ્યું હતું. બીજી તરફ ઘરની બહાર વિરોધ પ્રદર્શન કરી રહેલી AAP ધારાસભ્ય રાખી બિરલાને પોલીસે કસ્ટડીમાં લઈ લીધી હતી. બાદમાં કેજરીવાલને તપાસ એજન્સીના અધિકારીઓએ તેમના નિવાસસ્થાન પર સર્ચ પૂર્ણ કર્યા બાદ કારમાં એન્ફોર્સમેન્ટ ડિરેક્ટોરેટ ઓફિસ લઈ જવામાં આવ્યા હતા.
પાર્ટીએ કેજરીવાલની ધરપકડની પુષ્ટિ કરી છે. આ પહેલીવાર બન્યું છે કે જ્યારે કોઈ વર્તમાન મુખ્યમંત્રીની ધરપકડ કરવામાં આવી હોય. થોડા સમય પછી, AAPએ અરવિંદ કેજરીવાલની ધરપકડને રદ કરવાની માંગ સાથે સુપ્રીમ કોર્ટમાં અરજી કરી.
AAP મંત્રી સૌરભ ભારદ્વાજે કહ્યું કે અમે સુપ્રીમ કોર્ટનો સંપર્ક કર્યો છે અને તાત્કાલિક સુનાવણી માટે પ્રાર્થના કરી છે. સૂત્રોએ જણાવ્યું કે સુપ્રીમ કોર્ટમાં શુક્રવારે સુનાવણી થવાની શક્યતા છે. અધિકારીઓએ જણાવ્યું કે અરવિંદ કેજરીવાલને શુક્રવારે વિશેષ પીએમએલએ કોર્ટમાં રજૂ કરવામાં આવશે અને એન્ફોર્સમેન્ટ ડિરેક્ટોરેટ પૂછપરછ માટે તેમની કસ્ટડી માંગશે.
EDએ 4 મહિનામાં કેજરીવાલને 9 સમન્સ મોકલ્યા
- 2 નવેમ્બર 2023: તે ગેરકાયદેસર અને રાજકીય હોવાનું કહીને હાજર થયા ન હતા.
- 21 ડિસેમ્બર 2023: તપાસ રાજકીય રીતે પ્રેરિત હોવાનું કહીને હાજર ન થયા.
- 3 જાન્યુઆરી, 2024: ચૂંટણી પહેલા પ્રચાર કરતા રોકવામાં આવ્યા હોવાનો આરોપ લગાવીને હાજર ન થયા.
- 18 જાન્યુઆરી 2024: પ્રચાર કરતા રોકવાના આરોપમાં હાજર ન થયા.
- 2 ફેબ્રુઆરી, 2024: તે ગેરકાયદેસર અને રાજકીય રીતે પ્રેરિત હોવાનું કહીને હાજર થયા ન હતા.
- 14 ફેબ્રુઆરી 2024: તે ગેરકાયદેસર અને રાજકીય રીતે પ્રેરિત હોવાનું કહીને હાજર થયા ન હતા.
- 22 ફેબ્રુઆરી 2024: ગેરકાનૂની અને રાજકીય રીતે પ્રેરિત હોવાનું કહીને હાજર થયા ન હતા.
- 4 માર્ચ, 2024: સમન્સને ગેરકાયદેસર અને ગેરકાનૂની ગણાવ્યા અને હાજર થયા ન હતા.
- 16 માર્ચ 2024: સમન્સને ગેરકાયદેસર જાહેર કરીને હાઈકોર્ટમાં પહોંચ્યા.
Click it and Unblock the Notifications
Sign in with Google
