તાલિબાનના વધતા આતંક વચ્ચે ઉત્તરપ્રદેશમાં દેવબંદમાં ATS કમાન્ડો સેન્ટર સ્થપાશે!

ઉત્તર પ્રદેશની યોગી સરકારે દેવબંદમાં ATS કમાન્ડો સેન્ટર સ્થાપવાની જાહેરાત કરી છે. ટૂંક સમયમાં અહીં 2 હજાર ચોરસ મીટર જમીન પર કમાન્ડો સેન્ટર બનવા જઈ રહ્યું છે. મુખ્યમંત્રીના માહિતી સલાહકાર શલભ મણિ ત્રિપાઠીએ ટ્વીટ કરીને લખ્યું છે કે,'તાલિબાનની બર્બરતા વચ્ચે યુપીના સમાચાર સાંભળો, યોગીજીએ તાત્કાલિક અસરથી દેવબંદમાં ATS કમાન્ડો સેન્ટર ખોલવાનો નિર્ણય કર્યો છે. યુદ્ધના ધોરણે કામ પણ શરૂ થઈ ગયું છે. રાજ્યભરમાંથી પસંદ કરાયેલા લગભગ બે ડઝન સ્માર્ટ એટીએસ અધિકારીઓ અહીં પોસ્ટ કરવામાં આવશે.

ઉત્તર પ્રદેશ સરકારે હાલના સંજોગો અને પડકારોને ધ્યાનમાં રાખીને આ નિર્ણય લીધો છે. સહારનપુર જિલ્લામાં સ્થિત દેવબંધ પહેલા નોઈડા અને લખનૌમાં ATS ના કમાન્ડો તાલીમ કેન્દ્રો ખોલવાની તૈયારીઓ ચાલી રહી છે. આ કેન્દ્રો રાજધાની લખનૌમાં અમૌસી અને નોઈડામાં આંતરરાષ્ટ્રીય એરપોર્ટ નજીક બનાવવામાં આવશે. આ માટે નોઈડા અને લખનૌમાં પણ જમીન નક્કી કરવામાં આવી છે. એસપીજી અને આર્મી અધિકારીઓની દેખરેખ હેઠળ આ સ્થળો પર ખાસ કમાન્ડો તૈયાર કરવામાં આવશે. અહીં તાલીમ લેતા તમામ કમાન્ડોને આતંકવાદી હુમલા દરમિયાન બચાવ અને રાહત માટે ઉપયોગમાં લેવા તાલીમ અપાશે.

રાજ્ય સરકારે રાજ્યભરમાંથી બે ડઝન જેટલા એટીએસ અધિકારીઓની પસંદગી કરી છે, જે દેવબંદમાં તૈનાત રહેશે. અફઘાનિસ્તાનની ભયાનક સ્થિતિને જોતા યોગી સરકાર તાલિબાન સમર્થકો પર લગામ લગાવવા માટે પહેલેથી જ સજાગ બની ગઈ છે. અહીં ATS કમાન્ડો સેન્ટર બનાવવાનો નિર્ણય લેવામાં આવ્યો છે. કમાન્ડો સેન્ટરમાં 15 થી વધુ અધિકારીઓ તૈનાત રહેશે. મોટી સંખ્યામાં એટીએસ કમાન્ડોને અહીં તાલીમ આપવામાં આવશે.

English summary

ATS Commando Center to be set up in Deoband, Uttar Pradesh amid growing Taliban terror!