નવી દિલ્હીઃ બિહાર વિધાનસભા ચૂંટણીના પહેલા તબક્કાના મતદાનમાં હવે ગણતરીનો સમય જ બાકી છે. બિહારની 71 સીટ પર બુધવારે મતદાન થનાર છે. આ વખતે ચૂંટણીમાં જેડીયૂ અને ભાજપના ગઠબંધન એનડીએ અને આરજેડી અને કોંગ્રેસના મહાગઠબંધન વચ્ચે છે. મહાગઠબંધનમાં હવે વામ દળ પણ સામેલ છે. પહેલા તબક્કામાં દક્ષિણ ભોજપુર અને પાટલિપુત્ર-મગધ ક્ષેત્રમાં ચૂંટણી થવા જઈ રહી છે. આ ક્ષેત્ર કેટલાય વર્ષોથી જાતિગત અશાંતિના સાક્ષી રહ્યા છે. 1980 અને 90ના દેશકમાં આ ક્ષેત્રોમાં જાતિ અને ભૂમિ મોટે પાયે જોવા મતી હતી. આ હિંસાએ રણવીર સેના જેવા સશસ્ત્ર સંગઠનને જન્મ આપ્યો હતો. જેનું પરિણામ એ થયું કે અહીં સમુદાયોમાં એકબીજા પ્રત્યે ઘણી નફરત છે.

ઉલ્લેખનીય છે કે પહેલા તબક્કાની 71 સીટમાંથી 22 સીટ પર યાદવ સમુદાયના ધારાસભ્યોનો હાલ કબ્જો છે. 2015ની ચૂંટણીમાં અહીં સૌથી વધુ યાદવ સમુદાયના ધારાસભ્ય જીતવામાં સફળ રહ્યા હતા. આ 71 સીટમાંથી 22 યાદવ જીત્યા હતા જ્યારે રાજપૂત, ભૂમિહાર અને કુશવાહા સમુદાયના સાત-સાત ધારાસભ્યો જીત્યા હતા. જ્યારે ત્રણ સીટ પર કુર્મી સમુદાયના ધારાસભ્યોનો કબ્જો છે અને 13 સુરક્ષિત સીટો પર એસસી-એસટી સમુદાયના ધારાસભ્યો જીત્યા છે.