Bihar election 2025 : NDAમાં સીટ વહેંચણી મુદ્દે સહમતિ બની, જાણો કઈ પાર્ટીને કેટલી સીટો?

Bihar election 2025 : બિહાર વિધાનસભા ચૂંટણી 2025ને લઈને રાજકીય વાતાવરણ ગરમાયું છે. આ દરમિયાન NDA ગઠબંધનમાં સીટ શેરિંગ (Seat Sharing) ફોર્મ્યુલા નક્કી થઈ હોવાના અહેવાલ છે.

સૂત્રો અનુસાર, આ ગઠબંધનમાં JDU સૌથી વધુ બેઠકો પર ચૂંટણી લડશે, જ્યારે BJP બીજા ક્રમે રહેશે. આ સિવાય સાથી પક્ષોને બેઠક મળશે.

બિહારની કુલ 243 વિધાનસભા બેઠકો પર થનારી ચૂંટણીમાં NDAના ઘટક પક્ષોને નીચે મુજબ સંભવિત બેઠકોની વહેંચણી થઈ શકે છે.

• JDU (જનતા દળ યુનાઇટેડ) : 102 બેઠકો
• BJP (ભારતીય જનતા પાર્ટી) : 101 બેઠકો
• LJP(R) (લોક જનશક્તિ પાર્ટી - રામવિલાસ) : 25 બેઠકો
• HAM (હિન્દુસ્તાની આવામ મોરચા) : 8 બેઠકો
• RLM : 7 બેઠકો

બિહાર વિધાનસભા ચૂંટણીના પ્રથમ તબક્કા માટે નામાંકન (નોમિનેશન)ની પ્રક્રિયા શુક્રવાર 10 ઓક્ટોબરથી શરૂ થઈ ગઈ છે.

• નામાંકન ભરવાની છેલ્લી તારીખ (પ્રથમ તબક્કો) : 17 ઓક્ટોબર
• નામાંકન પત્રોની ચકાસણી : 18 ઓક્ટોબર
• નામ પાછું ખેંચવાની છેલ્લી તારીખ : 20 ઓક્ટોબર

ચૂંટણી પંચે જાહેર કરેલા કાર્યક્રમ મુજબ બિહારમાં બે તબક્કામાં મતદાન યોજાશે.

• પ્રથમ તબક્કો : 6 નવેમ્બર (121 બેઠકો પર)
• બીજો તબક્કો (અંતિમ) : 11 નવેમ્બર (122 બેઠકો પર)
• મતગણતરીની તારીખ : 14 નવેમ્બર

સીટ વહેંચણીના ફોર્મ્યુલા પર સહમતી સધાઈ ગયા બાદ, હવે સત્તાધારી NDA અને વિપક્ષી મહાગઠબંધન દ્વારા ટૂંક સમયમાં જ પોતાના ઉમેદવારોની સત્તાવાર યાદી જાહેર થવાની સંભાવના છે.

English summary

Bihar Election 2025: NDA Seat Sharing Formula Agreed, JDU Gets Highest Seats; Check List