ગોવામાં પ્લે બોય ક્લબ ખોલવા સામે ભાજપનો વિરોધ
ગોવા પ્રદેશ ભાજપે પ્લેબોય ક્લબને દરેક રીતે ગોવાની સંસ્કૃતિની વિરુદ્ધ ગણાવીને પોતાની પાર્ટીને આગ્રહ કર્યો છે કે આવી ક્લબ્સ ના ખોલવામાં આવે. પણજીમાં મીડિયા સાથેની વાતચીતમાં ગોવા પ્રદેશ ભાજપના અધ્યક્ષ વિનય તેંડુલકરે જણાવ્યું કે અમે ગોવાની સંસ્કૃતિને જાળવી રાખવા માંગીએ છીએ.
તેમણે જણાવ્યું કે પ્લેબોયના સંદર્ભમાં અમારી પાસે જે પણ માહિતી છે તેના આધારે કહીએ છીએ કે તે અમારી સંસ્કૃતિને અનુરૂપ નથી. આથી જો આવા ક્લબ ગોવામાં ખોલવામાં આવ્યા તો ગોવાની સાથે સમગ્ર દેશમાં સંસ્કૃતિનું અહિત કર્યું ગણાશે.
ગોવાના પાટનગર પણજીથી 20 કિલોમીટર દૂર સમુદ્ર કિનારે આવેલા ગામ કંડોલિમમાં પ્લેબોયની પ્રસ્તાવિત ક્લબ ફ્રેન્ચાઇઝી ખૂલવા બાબતે સમગ્ર સ્થિતિ સર્જાઇ છે. આ મુદ્દે સરકાર સમાધાન કરવાના પ્રયાસ કરી રહી છે. કોંગ્રેસ દ્વારા પણ પ્લેબોય ક્લબ સામે વિરોધ નોંધાવવામાં આવ્યો છે.
Click it and Unblock the Notifications
Sign in with Google
