દારૂ પાર્ટીમાં તમંચા સાથે ડિસ્કો કરતા જોવા મળ્યા ભાજપના ધારાસભ્ય, Video વાયરલ

Published: Wednesday, July 10, 2019, 12:59 [IST]

દેહરાદૂનઃ સત્તા અને દારૂનો નશો જ્યારે માથા પર ચઢીને બોલે ત્યારે સારા સારાનો દિમાગ ખરાબ કરી દે છે પરંતુ પોતાની તાકતના મદમાં ડૂબેલ લોકો આ વાતને ક્યારેય સમજી નથી શકતા, આવા જ લોકો પોતાની શર્મનાક હરકતોથી ખુદ તો ખરાબ થાય છે સાથે જ પોતાની પાર્ટીને પણ શર્મિંદા કરાવે છે, આવું જ કંઈ કર્યું ઉત્તરાખંડમાં ભાજપની કિરકિરી કરાવી પાર્ટીથી હકાલી કઢાયેલ વિવાદિત ધારાસભ્ય પ્રણવ સિંહ ચેમ્પિયન, પોતાના વાયરલ વીડિયોને કારણે હાલ ચર્ચામાં છે.

તમંચા પર રાણાજીનો ડિસ્કો, હવામાં લહેરાઈ 4-4 પિસ્તોલ

વાયરલ વીડિયોમાં પ્રણવ સિંહ તમંચા સાથે પોતાના ચમચાઓ સાથે ડાંસ કરતા જોવા મળી રહ્યા છે. તેમના એક હાથમાં દારૂનો ગ્લાસ છે તો બીજા હાથમાં 4-4 તમંચા, જેની સાથે તેઓ ડિસ્કો કરતા જોવા મળી રહ્યા છે, શરીર પર કાળી બંડી અને સફેદ પેન્ટ પહેરી પ્રણવ સિંહ ફિલ્મ કરણ અર્જુનના લોકપ્રિય ગીત 'મુઝકો રાણા માફ કરના ગલતી મારે સે હો ગઈ' પર કમર મટકાવતા જોવા મળી રહ્યા છે. એટલું જ નહિ વીડિયોમાં તેઓ અભદ્ર ભાષાનો ઉપયોગ કરતા પણ જોવા મળી રહ્યા છે.

પોતાના સમર્થકોએ દારૂની પાર્ટી આપી

કહેવાઈ રહ્યું છે કે હાલમાં જ પોતાના પગનું ઓપરેશન કરી પોતાના ઘરે પરત ફરી રહેલ પ્રણવ સિંહ ચેમ્પિયને પોતાના કેટલાક સમર્થકો સાથે પાર્ટી રાખી હતી, જ્યાં તેમણે જામની સાથે પોતાના હથિયારોનું ભારે પ્રદર્શન કર્યું અને પોતાની તાકાત દેખાડવાની કોશિશ કરતા જોવા મળ્યા, તેમની સાથે તેમના સમર્થક પણ ડાંસ કરતા વીડિયોમાં જોવા મળી રહ્યા છે.

ઉત્તરાખંડને ગાળ આપી રહ્યા છે

વીડિયોમાં એક જગ્યાએ તેમના સમર્થક તેમના વખાણ કરતા કહે છે કે ઉત્તરાખંડમાં આવું માત્ર તમે જ કરી શકો છો, જેના પર પ્રણવ સિંહનો જવાબ આવે છે કે તેઓ આખા દેશમાં એવું કરી શકે છે, કોઈની હિમ્મત નથી કે મને રોકી લે, જે બાદ તેઓ રાજ્યવાસીઓને ગાળી આપી સંબોધિત કરતા જોવા મળે છે.

પ્રણવ સિંહ ચેમ્પિયનને પાર્ટીથી હકાલી કઢાયા છે

જણાવી દઈએ કે પ્રણવ સિંહનો દબંગાઈ વાળો વીડિયો પહેલા પણ વાયરલ થયો છે, તેમને વિવાદિત ધારાસભ્ય પણ કહેવાય છે, એક પત્રકાર સાથે મારપીટ અને તેને જાનથી મારી નાખવાની ધમકી આપવાને કારણે તેમની વિરુદ્ધ થોડા સમય પહેલા દિલ્હીમાં એક ફરિયાદ નોંધવામાં આવી હતી, જે બાદ જૂનમાં ભારતીય જનતા પાર્ટીએ ઉત્તરાખંડના ખાનપુરથી ધારાસભ્ય પ્રણવ સિંહ ચેમ્પિયનને ત્રણ મહિના માટે સસ્પેન્ડ કરી દીધા હતા.

Published On July 10, 2019