Lok Sabha Election 2024 : આગામી લોકસભાની ચૂંટણી માટે ભાજપનો પ્લાન, મહિલાઓ ખાસ વાંચે
Lok Sabha Election 2024 : આગામી વર્ષે લોકસભાની ચૂંટણી યોજાવાની છે. જેની તૈયારીમાં તમામ રાષ્ટ્રીય પાર્ટી જોડાઇ ગઇ છે. જેમાં ભારતીય જનતા પાર્ટીએ દેશની અડધી વસ્તી એટલે કે મહિલા મતદાતાઓને લલચાવવા માટે એક વિશેષ યોજના બનાવી છે. જેમાં ભાજપ દેશની દરેક લોકસભા બેઠક પર 200 મહિલા કમલ મિત્ર બનાવવાની તૈયારી કરી રહી છે.
ભાજપ મહિલા મોરચાના પદાધિકારીઓ અને કાર્યકરોને તાલીમ આપીને સમગ્ર દેશમાં એક લાખથી વધુ 'કમલ મિત્ર' મહિલાઓને તૈયાર કરવાની યોજના ધરાવે છે. બીજેપી અધ્યક્ષ જેપી નડ્ડા શુક્રવારના રોજ પાર્ટી હેડક્વાર્ટર ખાતે પાર્ટીના મહિલા મોરચાના રાષ્ટ્રીય અધ્યક્ષ વણથી શ્રીનિવાસનની આગેવાનીમાં આ 'કમલ મિત્ર' તાલીમ કાર્યક્રમનું ઉદ્ઘાટન કરશે.
કમલ મિત્રા એક અનોખો તાલીમ કાર્યક્રમ છે, જેના દ્વારા ભાજપ તેના મહિલા નેતાઓ અને કાર્યકરોને નરેન્દ્ર મોદી સરકાર દ્વારા અમલમાં મુકવામાં આવેલી યોજનાઓ વિશે તાલીમ આપશે.
આ માટે, ઉજ્જવલા યોજના, સુકન્યા સમૃદ્ધિ યોજના, પ્રધાન મંત્રી આવાસ યોજના અને માતૃત્વ વંદના યોજના જેવી 15 મુખ્ય યોજનાઓ સંબંધિત માહિતી હિન્દી, અંગ્રેજી, તમિલ, તેલુગુ, મલયાલમ, કન્નડ, બાંગ્લા, ગુજરાતી અને મરાઠી સહિત અન્ય ઘણી ભારતીય ભાષાઓમાં તૈયાર કરવામાં આવી છે.
નડ્ડા દ્વારા તેની શરૂઆત કર્યા બાદ, ભાજપ આ તાલીમ કાર્યક્રમ દ્વારા ડિસેમ્બર સુધી સમગ્ર દેશમાં તાલીમ આપશે, જે ઓનલાઈન હશે. આ માટે ભાજપ મહિલા મોરચાએ પ્રબુદ્ધ મહિલાઓની એક ટીમ તૈયાર કરી છે, જેમાં ડોક્ટર, પ્રોફેસરો, એન્જિનિયર, વકીલ, આઈટી પ્રોફેશનલ્સ અને રિસર્ચ સ્કોલરનો સમાવેશ થાય છે, જે મહિલાઓને તાલીમ આપશે અને તૈયાર કરશે.
સમગ્ર દેશના વિવિધ રાજ્યોની પ્રબુદ્ધ મહિલાઓનો સમાવેશ કરવામાં આવ્યો
આ પ્રબુદ્ધ મહિલાઓના જૂથમાં સમગ્ર દેશના વિવિધ રાજ્યોની પ્રબુદ્ધ મહિલાઓનો સમાવેશ કરવામાં આવ્યો છે, જેઓ સ્થાનિક ભાષામાં સારી રીતે જાણકાર છે અને આ ટીમો મહિલા મોરચાના કાર્યકરોને તાલીમ આપશે.
તાલીમ લીધા બાદ તમામ કાર્યકર્તાઓએ એક ટેસ્ટ આપવી પડશે અને તે પાસ કર્યા બાદ જ તેમને પ્રશિક્ષિત કમલ મિત્રનું પ્રમાણપત્ર મળશે. આ અભિયાનનો ધ્યેય મોદી સરકારની યોજનાઓ અને સિદ્ધિઓની માહિતી મહત્તમ મહિલાઓ સુધી પહોંચાડવાનો છે, જેથી દેશની વધુને વધુ મહિલાઓ તેનો લાભ લઈ શકે.
આ કમળ મિત્રોની માહિતી પણ નમો પોર્ટલ પર ઉપલબ્ધ કરાવવામાં આવશે, જેથી કોઈપણ તેમનો સંપર્ક કરી શકે અને મદદ લઈ શકે.
Click it and Unblock the Notifications
Sign in with Google
