બ્લેક મની: SCને સોંપવામાં આવ્યા 26 ખાતા ધારકોના નામ!
નવી દિલ્હી, 29 એપ્રિલ: કેન્દ્ર સરકારે કાળા નાણા સાથે જોડાયેલ રિપોર્ટ સુપ્રીમ કોર્ટમાં જમા કરાવી દીધી છે. રિપોર્ટમાં કહેવામાં આવ્યું છે કે જર્મનીથી ભારત સરકારને 26 ખાતા ધારકોના નામ મળ્યા છે. સરકારે જણાવ્યું કે આમાંથી 17 મામલામાં તપાસ પૂરી કરીને કાર્યવાહી કરવામાં આવી છે.
રિપોર્ટ અનુસાર ખાતાધારકોનું નિધન થઇ ચૂક્યું છે જ્યારે 8ની વિરુધ્ધ કોઇ મામલો બનતો નથી. હવે કોર્ટ ગુરુવારે નક્કી કરશે કે આ નામોને જાહેર કરવામાં આવે કે નહીં. સરકારે રિપોર્ટની સાથે સીલબંધ લેટરમાં પણ સુપ્રીમ કોર્ટને સોંપ્યા છે, જેમાંથી એકમાં 18 લોકોના નામ છે જ્યારે બીજામાં આઠ. આ લોકોના નામ હજી સાર્વજનીક કરવામાં આવ્યા નથી.
કહેવામાં આવે છે કે સરકારે જે 26 લોકોના નામ કોર્ટને સોંપ્યા છે, તે મુંબઇ-ગુજરાતના વ્યાપારીઓ અથવા એનજીઓના માલિક છે જેમણે ખોટી રીતે જર્મનીની બેંકમાં રૂપિયા જમા કરાવી રાખ્યા હતા. જોકે તેમણે કેટલા રૂપિયા જમા કર્યા અને કેવી રીતે આ રૂપિયા જર્મની મોકલવામાં આવ્યા તે સાર્વજનિક નથી થયું. ગુરુવારે કોર્ટે જણાવ્યું કે જે આઠ નામોને સરકારે ક્લીન ચિટ આપી છે તેમના નામ સાર્વજનિક કરવામાં આવે કે નહીં.
Click it and Unblock the Notifications
Sign in with Google
