ચાર્જ થઈ રહેલા મોબાઈલમાં બ્લાસ્ટ થતા 4 બાળકોના જીવ ગયા, પિતાની હાલત ગંભીર, જાણો ક્યાંની છે ઘટના?
મોબાઈલ બ્લાસ્ટ થવાની ઘણી ઘટનાઓ તમે સમાચારમાં સાંભળી હશે.આવી ઘટનાઓમાં સામાન્ય ઈજાઓ થતી હોય છે. જો કે ઉત્તર પ્રદેશમાં મોબાઈલ બ્લાસ્ટે 4 બાળકોના જીવ લીધા છે.
યુપીના મેરઠમાં એક ઘરમાં મોબાઈલ ચાર્જ વખતે શોર્ટ સર્કિટના કારણે મોટો અકસ્માત સર્જાયો છે. શોર્ટ સર્કિટના કારણે આ અકસ્માતમાં વિસ્ફોટ સાથે અચાનક આગ લાગી અને ચાર બાળકોના મોત થયા છે.
આ ઘટના શનિવારે રાત્રે મેરઠના પલ્લવપુરમ પોલીસ સ્ટેશન વિસ્તારની જનતા કોલોનીમાં બની. મોબાઈલ ચાર્જ કરતી વખતે શોર્ટ સર્કિટ થતા મોબાઈલ જોરથી ધડાકા સાથે ફાટ્યો. આ દરમિયાન ઘરમાં આગ લાગી ગઈ. ચાર બાળકો મોત નીપજ્યા છે, જ્યારે માતા-પિતાને ગંભીર હાલતમાં હોસ્પિટલમાં દાખલ કરવામાં આવ્યા હતા.
અકસ્માતને કારણે અસરગ્રસ્ત પરિવાર મૂળ મુઝફ્ફરનગરનો છે અને મેરઠમાં જનતા કોલોનીમાં ભાડાના મકાનમાં રહેતો હતો. પરિવાર મજુરી કરીને ગુજરાન ચલાવે છે.
અહેવાલો અનુસાર, અકસ્માત ત્યારે થયો જ્યારે પિતા ઘરમાં હતા અને તેની પત્ની અને બાળકોની માતા રસોઈ બનાવી રહી હતી. પુત્રી સારિકા (10), નિહારિકા (8), પુત્ર ગોલુ (6) અને પુત્ર કાલુ (5) જે રૂમમાં મોબાઈલ ચાર્જ કરવામાં આવી રહ્યો હતો ત્યાં હતા. રૂમમાં જ બોર્ડ પર મોબાઈલ ચાર્જ થઈ રહ્યો હતો.
આ દરમિયાન ચાર્જરમાં અચાનક શોર્ટ સર્કિટ થતાં એક સ્પાર્ક નીકળીને બેડ પરના ફોમ મેટ્રેસ પર પડ્યો. થોડીવારમાં આગ આખા રૂમમાં ફેલાઈ ગઈ. આ દરમિયાન બધાને ઘરની બહાર કાઢ્યા અને ગંભીર હાલતને કારણે તમામ દર્દીઓને મેરઠની લાલા લજપત રાય મેડિકલ કોલેજમાં રિફર કરવામાં આવ્યા. પરંતુ ગંભીર રીતે દાઝી ગયેલા ચારેય બાળકોના મોત થઈ ગયા. ઘાયલ દંપતીની હાલત નાજુક છે.
Click it and Unblock the Notifications
Sign in with Google
