બ્રિક્સ NSAની મીટિંગની અધ્યક્ષતા કરશે અજીત ડોભાલ, આજે સાંજે થશે મીટિંગ
દેશના રાષ્ટ્રીય સુરક્ષા સલાહકાર અજીત ડોભાલ મંગળવારે સાંજે બ્રિક્સ દેશોના રાષ્ટ્રીય સુરક્ષા સલાહકારોની બેઠકની અધ્યક્ષતા કરશે. આ બેઠક મંગળવારે સાંજે 5 વાગે યોજાશે. વિશ્વની નજર અફઘાનિસ્તાન સંકટ વચ્ચે યોજાનારી આ બેઠક પર ટકેલ
દેશના રાષ્ટ્રીય સુરક્ષા સલાહકાર અજીત ડોભાલ મંગળવારે સાંજે બ્રિક્સ દેશોના રાષ્ટ્રીય સુરક્ષા સલાહકારોની બેઠકની અધ્યક્ષતા કરશે. આ બેઠક મંગળવારે સાંજે 5 વાગે યોજાશે. વિશ્વની નજર અફઘાનિસ્તાન સંકટ વચ્ચે યોજાનારી આ બેઠક પર ટકેલી છે. ઉપરાંત, આ બેઠકનો ઉદ્દેશ બ્રિક્સ દેશો વચ્ચે સુરક્ષા સહકારને મજબૂત કરવાનો છે. તમને જણાવી દઈએ કે બ્રાઝિલ, રશિયા, ભારત, ચીન અને દક્ષિણ આફ્રિકાના રાષ્ટ્રીય સુરક્ષા સલાહકારો આ બેઠકમાં ભાગ લેશે.
ભારતની અધ્યક્ષતામાં બ્રિક્સ સભ્યોની અવકાશ એજન્સીઓના વડાઓએ રિમોટ સેન્સિંગ સેટેલાઇટ ડેટા શેરિંગમાં સહકાર માટે કરાર પર હસ્તાક્ષર કર્યા હતા. આ કરાર બ્રિક્સ સ્પેસ એજન્સીઓ અને તેમના સંબંધિત ગ્રાઉન્ડ સ્ટેશનના નિયુક્ત રિમોટ સેન્સિંગ ઉપગ્રહોના વર્ચ્યુઅલ સેટની રચનાને સક્ષમ કરે છે. આ કરાર અંગે જારી કરાયેલા એક સત્તાવાર નિવેદનમાં કહેવામાં આવ્યું છે કે તે વૈશ્વિક આબોહવા પરિવર્તન, મોટી આફતો અને પર્યાવરણીય સંરક્ષણ જેવા પડકારોને પહોંચી વળવા બ્રિક્સ અંતરિક્ષ એજન્સીઓ વચ્ચે બહુપક્ષીય સહયોગને મજબૂત કરવામાં યોગદાન આપશે.
આ બેઠકનું આયોજન માત્ર ડિજિટલ માધ્યમથી કરવામાં આવી રહ્યું છે. બ્રિક્સના પર્યાવરણ મંત્રીઓ, નાણાં પ્રધાનો, રાષ્ટ્રીય સુરક્ષા સલાહકારોની અલગ -અલગ બેઠકો થશે, પરંતુ સમિટની તારીખ અંગે સભ્ય દેશો વચ્ચે હજુ સુધી અંતિમ નિર્ણય લેવામાં આવ્યો નથી.
અગાઉ જુલાઈમાં આર્થિક અને વેપારના મુદ્દાઓ પર બ્રિક્સની બેઠક યોજાઈ હતી. આ ત્રણ દિવસની બેઠક દરમિયાન, બ્રિક્સના સભ્યોએ આંતર-બ્રિક્સ સહયોગ અને વેપારને મજબૂત અને વધારવા માટે ભારત દ્વારા પ્રસારિત વિવિધ દરખાસ્તો પર સંમતિ દર્શાવી હતી.