IND vs NZ: કોહલી સાથે ખાસ ક્લબમાં સંજુ સેમસન સામેલ, ટીમ ઈન્ડિયાએ બનાવ્યો ઐતિહાસિક વર્લ્ડ રેકોર્ડ
અમદાવાદના મેદાનમાં રમાયેલી રોમાંચક ફાઈનલ મેચમાં ભારતે ન્યૂઝીલેન્ડને 96 રને હરાવ્યું છે. આ ભવ્ય વિજય સાથે ટીમ ઈન્ડિયાએ T20 વર્લ્ડ કપ 2026નો ખિતાબ પોતાના નામે કરી લીધો છે.
આ શાનદાર ટૂર્નામેન્ટમાં બેટિંગથી ધમાલ મચાવનાર સંજુ સેમસનને 'પ્લેયર ઓફ ધ ટૂર્નામેન્ટ' જાહેર કરાયા છે. વિરાટ કોહલી અને બુમરાહ બાદ આ સિદ્ધિ મેળવનાર તે ચોથો ભારતીય ખેલાડી બન્યો છે.
વિક્રમી 96 રનથી મળેલી આ જીત ભારત માટે ટી20 વર્લ્ડ કપ ઇતિહાસની સૌથી મોટી જીત છે. ભારતે પોતાની જૂની જીતના તમામ રેકોર્ડ તોડીને ફાઈનલમાં નવો કીર્તિમાન સ્થાપિત કર્યો છે.
ફાઈનલ મેચમાં બંને ટીમોએ કુલ મળીને 414 રન બનાવ્યા જે નોકઆઉટ મેચનો બીજો મોટો સ્કોર છે. સેમીફાઈનલમાં ભારત-ઇંગ્લેન્ડ વચ્ચે બનેલા 499 રનનો રેકોર્ડ હજુ પણ પ્રથમ સ્થાને અકબંધ છે.
બીજી તરફ ન્યૂઝીલેન્ડ માટે આ હાર દુખદ રહી કારણ કે તેઓ બીજીવાર ફાઈનલ હાર્યા છે. પાકિસ્તાન અને શ્રીલંકા બાદ કીવી ટીમ પણ એકથી વધુ ફાઈનલ હારનારી ટીમ બની છે.
ભારતીય કેપ્ટન સૂર્યકુમાર યાદવે પોતાની કેપ્ટન્સીમાં 80 ટકાથી વધુ જીતનો પ્રભાવશાળી દર જાળવી રાખ્યો છે. આ જીત સાથે તેઓ વિશ્વના સૌથી સફળ કેપ્ટનોની યાદીમાં ટોચના સ્થાને પહોંચી ગયા છે.
ટીમ ઈન્ડિયા હવે સતત બે વાર T20 વર્લ્ડ કપ જીતનારી વિશ્વની પ્રથમ ટીમ બની ગઈ છે. આ ઉપરાંત પોતાની ધરતી પર વર્લ્ડ કપ જીતવાનો અનોખો રેકોર્ડ પણ ભારતે બનાવ્યો છે.
ભારત હવે ત્રણ T20 વર્લ્ડ કપ ટ્રોફી જીતનારો દુનિયાનો એકમાત્ર દેશ બનીને ઉભરી આવ્યો છે. આ ઐતિહાસિક સફળતાએ ભારતીય ક્રિકેટ પ્રેમીઓમાં ઉત્સાહ અને ગૌરવની લહેર ફેલાવી દીધી છે.
Click it and Unblock the Notifications
Sign in with Google
