Budget 2024 : બજેટમાં કયા મંત્રાલયને કેટલા રૂપિયા મળ્યા? જાણો સૌથી આગળ કયા મંત્રીનુ નામ?

Budget 2024 : 2024 ના બજેટમાં પણ નરેન્દ્ર મોદી સરકારે મોટી મોટી વાતો કરી છે. કોઈ ખાસ જાહેરાત વગરના આ બજેટમાં ડેમેજ કંટ્રોલ વધારે દેખાઈ રહ્યો છે.

નાણામંત્રી નિર્મલા સીતારમણેે બજેટમાં ગરીબો, ખેડૂતો, મહિલાઓ અને યુવાનો પર ફોકસ રાખવાનો દાવો કર્યો છે અને આ વખતે પણ સામાન્ય બજેટમાં વિવિધ મંત્રાલય માટે નાણાંની ફાળવણી કરવામાં આવી છે.

2024-25ના બજેટમાં રોડ ટ્રાન્સપોર્ટ અને હાઈવે મંત્રાલયને સૌથી વધુ નાણાં મળ્યા છે. આ મંત્રાલય નીતિન ગડકરી પાસે છે. નીતિન ગડકરીના પરિવહન મંત્રાલય માટે બજેટમાં 544128 કરોડ રૂપિયાની જોગવાઈ કરવામાં આવી છે.

આ યાદીમાં રક્ષા મંત્રાલય બીજા સ્થાને છે, જે રાજનાથ સિંહ પાસે છે. આ બજેટમાં સંરક્ષણ મંત્રાલય માટે 454773 કરોડ રૂપિયાની જોગવાઈ કરવામાં આવી છે. આ સિવાય અમિત શાહના ગૃહ મંત્રાલય માટે 150983 કરોડ રૂપિયાની જોગવાઈ કરવામાં આવી છે.

આ સિવાય શિવરાજ સિંહ ચૌહાણના કૃષિ મંત્રાલય માટે બજેટમાં 151851 કરોડ રૂપિયાની જોગવાઈ કરવામાં આવી છે. આ સિવાય સ્વાસ્થ્ય મંત્રાલય માટે 89287 કરોડ રૂપિયાની જોગવાઈ કરવામાં આવી છે.

આ મંત્રાલય જેપી નડ્ડા પાસે છે આ સિવાય ધર્મેન્દ્ર પ્રધાનના શિક્ષણ મંત્રાલય માટે 125638 કરોડ રૂપિયાની જોગવાઈ કરવામાં આવી છે. વિદેશ મંત્રાલય માટે 22155 કરોડ રૂપિયાની જોગવાઈ કરવામાં આવી છે. શહેરી વિકાસ માટે બજેટમાં 82577 કરોડ રૂપિયાની ફાળવણી કરવામાં આવી છે.

આ સિવાય ઉર્જા મંત્રાલય માટે 68769 કરોડ રૂપિયા અને આઈટી અને ટેલિકોમ્યુનિકેશન મંત્રાલય માટે 116342 કરોડ રૂપિયાની જોગવાઈ કરવામાં આવી છે.

આ સિવાય ગ્રામીણ વિકાસ માટે 265808 કરોડ રૂપિયા ફાળવવામાં આવ્યા છે. લોકસભામાં 2024-25નું બજેટ રજૂ કરતા નાણાપ્રધાન સીતારમણે કહ્યું કે, આ વર્ષે મેં ગ્રામીણ ઈન્ફ્રાસ્ટ્રક્ચર સહિત ગ્રામીણ વિકાસ માટે 2.66 લાખ કરોડ રૂપિયાની જોગવાઈ કરાઈ છે.

English summary

Budget 2024: Which ministry received how much rupees in the budget? Know the name of which minister first?