Cabinet 2024 : ચાર મહત્વના મંત્રાલય કેમ બીજેપીએ પોતાની પાસે રાખ્યા? છે ખાસ કારણ
Cabinet 2024 : તમામ અટકળો વચ્ચે કેન્દ્રની એનડીએ સરકારમાં બીજેપીએ 4 મહત્વના મંત્રાલય પોતાની પાસે રાખ્યા છે. મોદી સરકાર રક્ષા, ગૃહ, નાણાં અને વિદેશ મત્રાલય કોઈપણ કિંમતે છોડવા તૈયાર નથી.
નવી કેબિનેટની ખાસ વાત એ છે કે સરકારના ચાર સૌથી મોટા મંત્રાલય સંરક્ષણ, ગૃહ નાણા અને વિદેશ, પીએમમાં કોઈ ફેરફાર કરવામાં આવ્યો નથી. મોદીએ તેમના જૂના ચહેરાઓ પર જ વિશ્વાસ વ્યક્ત કર્યો છે.
રાજનાથ સિંહને સંરક્ષણ, અમિત શાહને ગૃહ, નિર્મલા સીતારમણને નાણાં અને એસ. જયશંકરને PM મોદીના ત્રીજા કાર્યકાળમાં વિદેશ મંત્રાલયની જવાબદારી મળી છે.
મોદી સરકારના ત્રીજા કાર્યકાળમાં કુલ 71 મંત્રીઓએ શપથ લીધા છે. જો કે મોદીએ કેબિનેટમાં ઘણા ફેરફાર કર્યા પરંતુ આ કેબિનેટની ખાસ વાત એ હતી કે પહેલા કેબિનેટ કમિટી ઓન સિક્યોરિટી (CCS) મંત્રાલયોમાં કોઈ ફેરફાર કરવામાં આવ્યા નથી, બીજું બીજેપી પાર્ટીએ તેને પોતાની પાસે રાખ્યુ છે.
CCS સમિતિ શું છે?
કેબિનેટ કમિટી ઓન સિક્યોરિટી (CCS) દેશની સૌથી મોટી કમિટી છે, જેની અધ્યક્ષતા ખુદ વડાપ્રધાન કરે છે. આ સમિતિ રાષ્ટ્રીય સુરક્ષાના મહત્વના મુદ્દાઓ પર નિર્ણય લેતી સૌથી મોટી સંસ્થા છે.
આ સમિતિ સંરક્ષણ સંસ્થાઓમાં અધિકારીઓની નિમણૂકથી લઈને સંરક્ષણ નીતિ અને ખર્ચ અને સામાન્ય રીતે ભારતની સુરક્ષાની તમામ બાબતો અંગેના તમામ મુખ્ય નિર્ણયો પણ લે છે.
CCS માં કેટલા મંત્રાલયોનો સમાવેશ થાય છે?
સંરક્ષણ
ગૃહ
નાણા
વિદેશ
CCS કમિટિનું કામ શું છે?
સુરક્ષા પરની કેબિનેટ સમિતિ ભારતના સંરક્ષણ અને સુરક્ષા સાથે સંબંધિત તમામ મુદ્દાઓ પર કામ કરે છે. તે ભારતની રાષ્ટ્રીય સુરક્ષાને વધારવા માટે લેવામાં આવનાર વિવિધ પગલાઓની ચર્ચા કરે છે. તે વિદેશી બાબતોમાં નીતિ વિષયક બાબતો સાથે પણ વ્યવહાર કરે છે જે આંતરિક અથવા બાહ્ય સુરક્ષા પરિસ્થિતિઓ પર અસર કરી શકે છે. જેમાં સુરક્ષા સંબંધિત મુદ્દાઓ પર અન્ય દેશો સાથે કરારો સંબંધિત બાબતોનો સમાવેશ થાય છે.
કુલ 8 કેબિનેટ કમિટીમાંથી સૌથી મહત્વની કેબિનેટ કમિટી ઓન સિક્યોરિટી છે. ચાર મંત્રાલયોમાં કોઈ ફેરફાર કર્યા વિના પીએમ મોદીએ સ્પષ્ટ સંદેશ આપ્યો છે કે અગાઉની નીતિઓને આગળ ધપાવવામાં આવશે.
ભાજપ સરકાર માટે કેમ જરૂરી છે CCS મંત્રાલય?
તમામ CCS મંત્રાલયો ભાજપના હાથમાં હોવાથી પાર્ટી કોઈપણ દબાણ વિના રાષ્ટ્રીય સુરક્ષા સાથે સંબંધિત મહત્વપૂર્ણ નિર્ણયો લઈ શકશે. જો કોઈ અન્ય પક્ષ આ મંત્રાલયોમાં હસ્તક્ષેપ કરશે તો પક્ષને દિવસેને દિવસે મુશ્કેલીઓનો સામનો કરવો પડશે, તેથી જ મુખ્ય મંત્રાલયો તેના હાથમાં રાખવાથી પક્ષની આંતરિક સુસંગતતા અને નિર્ણય લેવાની ક્ષમતા મજબૂત થશે. તેની સાર્વજનિક છબીને પણ મજબૂત બનાવશે અને તે ચૂંટણીની સંભાવનાઓને મજબૂત કરવામાં મદદ કરશે.
Click it and Unblock the Notifications
Sign in with Google
