ગાર્ગી કોલેજનો મામલો સંસદમાં પહોંચ્યો, કેજરીવાલે કહ્યું નિરાશાજનક ઘટના

દિલ્હીની ગાર્ગી કોલેજમાં વિદ્યાર્થીનીઓની છેડતીનો મામલો પણ લોકસભામાં ગુંજ્યો છે. આ કેસમાં કોંગ્રેસના સાંસદ ગૌરવ ગોગોઇએ સરકારને એક સવાલ પૂછ્યો, જેના જવાબમાં એચઆરડી મંત્રી રમેશ પોખરીયલ નિશાંકે તેમને કડક કાર્યવાહી કરવાની ખાતરી આપી. તેમણે કહ્યું કે જે લોકોએ કોલેજમાં પ્રવેશ કર્યો હતો તે વિદ્યાર્થીઓ ન હતા. દરમિયાન, દિલ્હીના મુખ્યમંત્રી અરવિંદ કેજરીવાલે પણ આ ઘટના અંગે નારાજગી વ્યક્ત કરી છે.

કેજરીવાલે શુ કહ્યું

તેમણે ટ્વીટ કર્યું હતું કે, ગાર્ગી કોલેજમાં અમારી દીકરીઓ સાથે ગેરવર્તણુંક ખૂબ જ દુખી અને નિરાશાજનક છે. આ બિલકુલ સહન કરી શકાતું નથી. ગુનેગારોને સૌથી કડક સજા થવી જોઈએ. અને તે સુનિશ્ચિત કરવું જોઈએ કે અમારી કોલેજમાં ભણતા બાળકો સલામત છે. જણાવી દઈએ કે રાષ્ટ્રીય મહિલા આયોગની ટીમ પણ આજે ગાર્ગી કોલેજ પહોંચી હતી.

गार्गी कॉलेज में हमारी बेटियों के साथ बद्सलूकी बेहद दुखद और निराशाजनक है। इसे क़तई बर्दाश्त नहीं किया जा सकता। दोषियों को पकड़ कर सख्त से सख्त सजा मिलनी चाहिए। और ये सुनिश्चित हो कि हमारे कॉलेजों में पढ़ने वाले बच्चे सुरक्षित हों।

— Arvind Kejriwal (@ArvindKejriwal) February 10, 2020

સ્વાતિ માલીવાલ પણ પહોંચી

તે જ સમયે, દિલ્હી મહિલા આયોગના અધ્યક્ષ સ્વાતિ માલીવાલ અને દિલ્હી પોલીસની ટીમ પણ આજે કોલેજમાં પહોંચી હતી. પોલીસ હાલમાં સીસીટીવી ફૂટેજ શોધી રહી છે. જોકે પોલીસને હજી સુધી કોઈ ફરિયાદ મળી નથી. આ કેસમાં સ્વાતિ માલીવાલ કહે છે કે, દિલ્હી મહિલા મહિલા પંચે દિલ્હી પોલીસને નોટિસ ફટકારી છે કે જ્યારે ત્યાં પોલીસ હતી ત્યારે આ ઘટના કેવી રીતે બની.

શુ છે મામલો

તેમણે જણાવ્યું હતું કે મહિલા આયોગે કોલેજ વહીવટીતંત્રને પણ નોટિસ પાઠવી રહ્યું છે કે, આ ઘટનાને ચાર દિવસ થયા પછી પણ હજી સુધી કેમ કોઈ કાર્યવાહી કરવામાં આવી નથી. છોકરીઓનો આરોપ છે કે 6 ફેબ્રુઆરીએ કેટલાક બહારના લોકોએ દારૂના નશામાં કોલેજમાં પ્રવેશ કર્યો હતો અને તેની છેડતી કરી હતી. ગાર્ગી કોલેજની કેટલીક છોકરીઓ કહે છે કે આ ઘટના 3 દિવસીય તહેવાર 'રેવરી' દરમિયાન બની હતી.

આ પણ વાંચો: લગ્ન વિના મા બનેલી કલ્કિ કોચલિને દીકરીનુ નામ રાખ્યુ Sappho, લખી ઈમોશનલ પોસ્ટ

English summary

Case of Gargi College reaches Parliament, Kejriwal says disappointing