EDના આસિસટન્ટ ડાયરેક્ટરની CBIએ કરી ધરપકડ, 5 કરોડની લાંચ લેવાનો આરોપ

દિલ્હી લિકર પૉલિસી કૌભાંડમાં એક મોટી કાર્યવાહીમાં CBIએ EDના એક અધિકારીની ધરપકડ કરી છે. આરોપ છે કે ઈડી અધિકારીએ 5 કરોડ રૂપિયાની લાંચ લીધી હતી, ત્યારબાદ તેની ધરપકડ કરવામાં આવી હતી. રિપોર્ટ મુજબ ઈડી ઓફિસરનું નામ પવન ખત્રી છે, જે ઈડીમાં આસિસ્ટન્ટ ડાયરેક્ટર તરીકે પોસ્ટેડ હતા.

ઈડી અધિકારીએ દારૂ નીતિ કેસના આરોપી બિઝનેસમેન અમનદીપ સિંહ ઢલ્લ પાસેથી 5 કરોડ રૂપિયાની લાંચ લીધી હતી. જે બાદ સીબીઆઈએ બે ખત્રીઓ સહિત બે અધિકારીઓ સામે લાંચ લેવાનો કેસ નોંધ્યો હતો. તપાસ બાદ સીબીઆઈએ પવન ખત્રીની ધરપકડ કરી છે.

સીબીઆઈએ આસિસ્ટન્ટ ડાયરેક્ટર પવન ખત્રી અને ડિવિઝનલ ક્લાર્ક નિતેશ કોહર વિરુદ્ધ FIR નોંધી હતી. આ કેસમાં એર ઈન્ડિયાના કર્મચારી દીપક સાંગવાન, બિઝનેસમેન અમનદીપ સિંહ ધલ, બિરેન્દર પાલ સિંહ, સીએ પ્રવીણ કુમાર વત્સ, ક્લેરિજ હોટલના સીઈઓ વિક્રમાદિત્ય સહિત કેટલાક અન્ય અધિકારીઓના નામ સામેલ છે.

ફરિયાદ મુજબ દારૂ પૉલીસી કેસમાં ચાલી રહેલી તપાસ દરમિયાન આરોપીઓને મદદ કરવા માટે રૂપિયા પાંચ કરોડની લાંચ આપવામાં આવી હતી. ધરપકડ ટાળવા માટે અમનદીપ ધલને મદદ કરવામાં આવશે તેવી ખાતરી આપવામાં આવી હતી. જે બાદ દીપક સાંગવાન ડિસેમ્બર 2022માં ED ઓફિસર પવન ખત્રીને મળ્યા હતા, આ દરમિયાન દીપક વત્સ પણ હાજર હતા.

લાંચની રકમ અલગ-અલગ હપ્તામાં આપવામાં આવી હતી. વત્સે જણાવ્યું કે અમનદીપ સિંહ ઢલ્લને કહેવામાં આવ્યું હતું કે જો તે બે કરોડ રૂપિયા વધુ આપશે તો તેને આરોપીઓની યાદીમાંથી કાઢી નાખવામાં આવશે. લાંચની રકમ રોકડમાં આપવામાં આવી હતી. જો કે અમનદીપ ઢલ્લની લાંચ આપ્યા બાદ પણ 1 માર્ચ 2023ના રોજ ઈડી દ્વારા ધરપકડ કરવામાં આવી હતી.

જ્યારે કામ ન થયું ત્યારે દીપક સાંગવાને ઈડી અધિકારીને પૈસા પરત કરવા કહ્યું. પૈસા પાછા મેળવવા પવન ખત્રી અને નિતેશ કોહરે પરિવારના સભ્યો સાથે મુલાકાત કરી હતી. મામલો પ્રકાશમાં આવ્યા પછી, ઈડીએ તેની તપાસ શરૂ કરી અને પ્રવીણ રાવતના ઘરની તપાસ કરી જ્યાંથી ઈડીએ 2.19 કરોડ રૂપિયા રોકડા અને 1.94 કરોડ રૂપિયાના ઘરેણાં જપ્ત કર્યા. જ્યારે બેંક ખાતામાં 2.62 કરોડની રકમ મળી આવી હતી.

English summary

CBI arrested ED officer, who is allegedly taking bribe in in Delhi Liquor case