પીએમ મોદીએ NDAના સાંસદોને કરી અપીલ, મુસ્લિમ મહિલાઓ સાથે મનાવો રક્ષાબંધન
વડાપ્રધાન નરેન્દ્ર મોદીએ રાષ્ટ્રીય લોકતાંત્રિક ગઠબંધનના સાંસદોને આ વખતે મુસ્લિમ બહેનો સાથે રક્ષાબંધન ઉજવવાની અપીલ કરી છે. વાસ્તવમાં, ટ્રિપલ તલાક નાબૂદ કર્યા પછી, સરકાર મુસ્લિમોમાં પોતાની પહોંચ વધારવા માંગે છે. પીએમએ કહ્યું કે ટ્રિપલ તલાક નાબૂદ થયા બાદ મુસ્લિમ મહિલાઓમાં સુરક્ષાની લાગણી વધી છે.
પીએમ મોદીએ ઓડિશા, પશ્ચિમ બંગાળ, ઝારખંડના એનડીએ સાંસદો સાથે બેઠક દરમિયાન આ નિવેદન આપ્યું છે. વાસ્તવમાં આવતા વર્ષે યોજાનારી લોકસભાની ચૂંટણી પહેલા પીએમ મોદી એનડીએના તમામ સાંસદોને મળી રહ્યા છે. એનડીએના 38 સહયોગીઓ સાથે તાલમેલ સુધારવા માટે આ કવાયત કરવામાં આવી રહી છે.
પીએમ મોદી સાથેની બેઠકમાં હાજર એક સંસદ સભ્યએ જણાવ્યું કે પીએમ મોદીએ સમાજના એક વર્ગ સાથે સંબંધ મજબૂત કરવા માટે આ ટિપ્પણી કરી છે. ભાજપમાં પસમંદા મુસ્લિમોને નજીક લાવવા માટે પણ આ અભિયાન જોવામાં આવી રહ્યું છે. તાજેતરમાં જ તારિક મંસૂરની અલીગઢ મુસ્લિમ યુનિવર્સિટીમાં વીસી તરીકે નિમણૂક કરવામાં આવી હતી.
સાંસદે કહ્યું કે પીએમે તેમના ભાષણમાં કહ્યું કે મુસ્લિમ મહિલાઓ સાથે વાત કરતી વખતે ટ્રિપલ તલાક પર પ્રતિબંધ મૂકવાનો ઉલ્લેખ કરો. તમને જણાવી દઈએ કે ભાઈ અને બહેનના પ્રેમનો તહેવાર રક્ષાબંધન આ મહિનાની 30 તારીખે ઉજવવામાં આવશે.
નોંધનીય છે કે 2019માં મુસ્લિમ મહિલાઓ માટે પ્રોટેક્શન ઑફ રાઈટ્સ ઓન મેરેજ બિલ પસાર કરવામાં આવ્યું હતું. જેમાં ટ્રિપલ તલાકને ગેરકાયદે ઠેરવવામાં આવ્યો હતો, સાથે સાથે આવું કરનાર પતિ માટે જેલની સજાની જોગવાઈ રાખવામાં આવી હતી.
ભાજપે NDA સાંસદોને પ્રદેશ પ્રમાણે વિભાજિત કર્યા છે, જેમાં પ્રત્યેક પ્રદેશમાં 40 સભ્યો છે. પીએમ મોદી ચોમાસુ સત્ર દરમિયાન આ તમામને મળશે. આ શ્રેણીની પ્રથમ બે બેઠક સોમવારે થઈ છે. પીએમ મોદીએ પશ્ચિમ ઉત્તર પ્રદેશના એનડીએના 45 સાંસદો સાથે મુલાકાત કરી હતી.
Click it and Unblock the Notifications
Sign in with Google
