ચૂંટણી પરિણામ અને હર્ષ-ઉલ્લાસ ટ્વિટરના ઝરૂખેથી...

નવી દિલ્હી, 16 મે: 16મી લોકસભાના નિર્માણ માટે આજે પરિણામ જાહેર થઇ રહ્યા છે, જેમાં દેશભરના લોકોની નજર પરિણામો પર છે કે આખરે કઇ પાર્ટી આ વખતે સરકાર બનાવશે. આખી ચૂંટણી દરમિયાન જોકે ગુજરાતના મુખ્યમંત્રી અને ભાજપના વડાપ્રધાન પદના ઉમેદવાર નરેન્દ્ર મોદીની લહેર દેશભરમાં જોવા મળી હતી. હવે જોવાનું એ છે કે તે લહેર તેમના પક્ષમાં સાબિત થાય છે કે કેમ. ભાજપ અત્યાર સુધી એવો દાવો કરતું આવ્યું છે કે તેમની પાર્ટીને 272 જેટલી બેઠકો મળશે. જ્યારે કોંગ્રેસ પણ એવું કહેતું આવ્યું છે કે આ વખતે પણ યુપીએની જ સરકાર બનશે. જોકે આ બંને સૌથી મોટી પાર્ટીઓની વચ્ચે નવી આમ આદમી પાર્ટી પણ પોતાની જીતનો રાગ આલાપી રહી છે. જોકે આ તમામ પાર્ટીઓના ભાગ્યનો નિર્ણય દેશની જનતાએ કરી દીધો છે આજે એ નિર્ણયની જાહેરાતનો દિવસ છે. અત્યાર સુધીનો ટ્રેન્ડ સ્પષ્ટપણે ભાજપને બહુમતી દર્શાવી રહ્યો છે.

જેમ જેમ ચૂંટણી પરિણામો જાહેર થઇ રહ્યા છે તેમ તેમ ભાજપના કાર્યકરોમાં ખુશીનો માહોલ સર્જાઇ રહ્યો છે. જોકે ભાજપને પોતાની જીતનો અણસાર તો એક્ઝિટ પોલ આવ્યા ત્યારથી જ હતો. જોકે ભાજપે તો ઉજવણીની તૈયારીઓ પણ ચાલુ કરી દીધી હતી. 4 હજાર કિલો લાડવાનો ઓર્ડર પણ આપી દીધો હતો. હજી તો સંપૂર્ણ પરિણામ જાહેર નથી થયા, પરંતુ ભાજપ ઐતિહાસિક રીતે આગળ છે ત્યારે ભાજપના કાર્યકરો ઉજવણીમાં લાગી ગયા છે.

આવો જોઇએ લોકસભા ચૂંટણી પરિણામ બાદની હલચલ...

BJP party workers begin celebrations at the party's Gujarat headquarters #Results2014 pic.twitter.com/ug2q9hKfP2 via @TOIAhmedabad
— Times of India (@timesofindia) May 16, 2014