Chenab Rail Bridge : દુનિયાના સૌથી ઉંચા રેલ્વે બ્રિજ પર 735 મીટર લાંબો તિરંગો લહેરાવાયો, જુઓ વીડિયો
ભારતના સ્વતંત્રતા દિવસની ઉજવણી શરૂ થઈ ગઈ છે. આ ઉજવણીના ભાગ રૂપે દુનિયાના સૌથી ઉંચા બ્રિજ પર 735 મીટર લાંબો તિરંગો લહેરાવાયો છે.
જમ્મુ-કાશ્મીરના રિયાસી જિલ્લામાં વિશ્વના સૌથી ઊંચા રેલ્વે બ્રિજ પર આ 735 મીટર લાંબો તિરંગો ફરકાવવામાં આવ્યો છે. આ ત્રિરંગો મંગળવારે રિયાસીમાં તૈનાત ડેપ્યુટી કમિશનર અને વરિષ્ઠ પોલીસ અધિક્ષક દ્વારા ફરકાવવામાં આવ્યો.
ચેનાબ રેલ્વે બ્રિજ ચિનાબ નદી ઉપર લગભગ 359 મીટર ઊંચાઈ પર સ્થિત છે, તેને વિશ્વનો સૌથી ઉંચો રેલ્વે પુલ માનવામાં આવે છે. આ એફિલ ટાવરની ઊંચાઈ કરતાં અંદાજે 35 મીટર વધારે છે.
આ પ્રસંગે રિયાસી ડીસી સ્પેશિયલ પોલ મહાજને જણાવ્યું કે, વિશ્વને આપણા દેશ પ્રત્યેનો પ્રેમ બતાવવા વિશ્વના સૌથી ઊંચા રેલ્વે બ્રિજ પર આ ત્રિરંગો પ્રદર્શિત કરવામાં આવ્યો છે.
ચેનાબ રેલ્વે બ્રિજ સ્ટીલ અને કોંક્રીટનો કમાન પુલ છે જે સિંગલ ટ્રેક રેલ્વે લાઇન વહન કરે છે અને તે રિયાસી જિલ્લામાં બક્કલ અને કૌરી વચ્ચે આવેલો છે.
બીજી તરફ પ્રસાશને 78મા સ્વતંત્રતા દિવસ પહેલા જમ્મુ-શ્રીનગર હાઈવે પર વાહનોના ચેકિંગ સહિત સુરક્ષા સઘન બનાવી છે. સુરક્ષા કર્મચારીઓ સલામત અને સુચારૂ કામગીરી સુનિશ્ચિત કરવા તપાસ કરી રહ્યાં છે.
#WATCH | Reasi, J&K: Tiranga rally was taken out with a 750 m long tricolour, on the World's highest railway bridge on Chenab river ahead of Independence Day. pic.twitter.com/za0LuOqpyc
— ANI (@ANI) August 13, 2024
જણાવી દઈએ કે, સ્વતંત્રતા દિવસના ઉપક્રમે હર ઘર તિરંગા અભિયાન શરૂ કરાઈ છે. આ આઝાદી કા અમૃત મહોત્સવ પહેલનો એક ભાગ છે. તે 2021 માં લોકોને ભારતની 75મી સ્વતંત્રતાની ઉજવણી માટે ત્રિરંગો ઘરે લાવવા અને તેને ઉડાવવા માટે પ્રોત્સાહિત કરવા માટે શરૂ કરવામાં આવ્યો હતો.
Click it and Unblock the Notifications
Sign in with Google
